Press "Enter" to skip to content

Paris Ah Man U Fan Pakhat Cu Namte In Sawh A Tong

PSG cu Man U nih (3-1) in fak ngaiin Paris ah a tei hnu ah Man U fan pakhat cu namte in sawh a tong i fak ngaiin ai hliam cu a si. Namte in a sawhtu hi France ram Paris taxi driver pa a si i a rannak in operation an tuah tiah Sky Sport nih a langhter.

Taxi driver pa le mah hi Man U fan hi bia i elnak fak ngai an ngei i cu caah namte in sawh a tongnak cu a si tiah France police zung nih fehternak a tuah. Kum 44 a simi min langhter lomi Man U fan hi PSG an sungh hnu ah a hawile 3 he Paris ah an taxi he an i chawklet li ah a cangmi a si.

Taxi driver pa nih a taxi chungah Man U fan pawl cu an i lawm lenmi cu a duh loh caah namte ai chuah i Man U fan chung i nu 1 cu a sawh ah mah hi Man U fan nih a mah ai sawhter cu a si. A tu cu taxi driver pa cu police nih an tleih khawh cang i namte sawh a tongmi Man U fan zong a dirhmun a ttha cang tiah theih a si.
REF: Sky Sport

Be First to Comment

Leave a Reply

Your email address will not be published. Required fields are marked *