Thailand ram, Ye Naung peng ah Passport nei lo in a lut mi, kawlram minung (50) reng lo le hruai tu (7) an tlaih hna.

Phungpheining loin lam zulh in Thailand ram a lut mi kawlram minung (50) reng lo hruai tu (7) cu, hmun (5) ah kan tlaih hna tiah Ye Naung Peng um Thailand ralkap battalion (25) nih an chim.

Muse Peng ah Datsi a cheuchum in a zuar mi cu SAC ralhrang nih an tlaih hna

Shan ram then, chaklei um Muse Peng ah, Datsi a cheuchum in a zuar mi cu nihin ah an tlaih hna.

Muse khua chung lam kam Datsi a cheuchum a zuar mi an tam ngai caah, mi cheu khat cu SAC ralhrang nih an tlaih hna. Datsi a zuar mi hna hi, Nam Kham, Nam Hpat Ka, Kutkhai lei ah, zing pa 4:00am hrawng in, i thawh in har le fe tein a caw mi an si.Ni hin cu SAC ralhrang nih a kan tlaih bak ko. A tlai tu ralhrang hi an tam ngai ngai.

Muse khua chung Datsi dawr a ngan deuh mi sin ah, datsi cawk a ngah ti lo caah, har le fe tein midang khua le ram ah, kan va cawk ii, a cheuchum kan zuar mi a si. Mah a kan tlaih mi cu, a poi ko, a har ko tiah Datsi a cheuchum a zuar mi pakhat nih a chim.