:Sri Lanka President Hlun Nih Thailand ah Caankarlak Umnak Nawl A Hal!

:Sri Lanka President Hlun Nih Thailand ah Caankarlak Umnak Nawl A Hal!

11 August 2022 : Sri Lanka President hlun Gotabaya Rajapaksa nih Thailand ram ah caankarlak umnak nawl a kan hal hna, tiah Thailand Ramleng Zung nih an thanh. Asinain Ramkhel ruangah dornak nawl hal mi cu a si lo tiah theih a si. Singapore ah a um lio mi, President hlun Gotabaya Rajapaksa cu nihin cawn ni 4 ah, Bangkok a phan lai tiah theih a si.

Sri Lanka ram nih a luancia kum zeimawzat ah a rak ton bal lo mi rampi chawlehnak a tlak tuk ruangah ram mizapi hna nih lam cung ah chuak in duhlonak an rak langhter i, President inn pi zong an rak luhhnawh. Cu hun in July thla thawk khan President Rajapaksa nih cun a rian in a chuahnak kong a rak thanh. Sri Lanka ram ah President áš­uan caan a dihhlan i rian a chuahtaktu hmasa bik zong a si.

Rajapaksa cu Singapore ram a um lio zong ah Singapore cozah nih zei bantuk in zohkhennak a pekmi zong a um lo, tiah Singapore cozah nih an thanh ve. Thailand ram zong ah rampi pakhat khualtlawn khawhnak passport he ni 90 chung a um lai, tiah Thailand Ramleng Zung in chimphuannak nawlngeitu Tanee Sangrat nih a chim.

Gotabaya Rajapaksa nih cun tutan a khualtlawnnak kong ah zeihmanh chimmi a ngei rih lo. Tulio Sri Lanka President Ranil Wickremesinghe nih cun Rajapaksa cu Sri Lanka ram ah a rat kir kho ding dirhmun a si rih lo, tiah a chim ve.a rel tu nan cung ah kan i lawm

Be the first to comment

Leave a Reply

Your email address will not be published.


*