Russia hi misual miphun an si lo, Putin hi khuachia cu asi ko e!

Russia hi misual miphun an si lo, Putin hi khuachia cu asi ko e! Kharkiv peng i Russia nih an lakmi khua cu Ukraine nih an vun chuh than hna, Russia ralkap an thahmi hna pawl thilri an check hna nakah, a tanglei cakuat le ultrasound hmanthlak hi an hmuh.

A dawttuk mi a nupi nih raal ram i a ummi a pasal cu Fapa te a poi piaknak photo, a dawtnak le a ngaihtuk canghnak, a hmur a hnamhnak i thei chih in cakuat cu ca a kuat. Asinain Putin sual le haukauh ruangah a fapa te le a dawttuk mi a nupi cu a liamtak hna. Chelsea Bawi

thawngpang dang relchap : Kyauktaw Umhmun An Khuar Lio Ah A Zaam Mi SAC Ralkap An kawl Nain An Hmu Lo

Rakhine ramkulh, Kyauktaw peng Maharmunih(မဟာမုနိ) kawl biakinn ah umhmun khuarmi SAC ralkap hna chung in ralkap pakhat cu September 10, zaanlei suimilam 4:00 hrawng ah a zaam i, khoika hmun ah a zaam theih a si lo caah cu ka khua pawnghrawng ah an kawl tiah tualchung mi nih an chim.

SAC ralkap chungtel pakhat, kum 30 si mi ralkap pakhat cu zu ka va ding ta lai tiah a bawipa sin ah a chimh hnu ah a zaam hi a si tiah a mah he naihniam in ummi nih an chim. Ralkap pakhat a zaam hnu caan zeimawzat a rauh hnu ah midang SAC ralkap hna nih cuka khuapawng hrawng ah an kawl i a mikip kha bia a kan hal tiah tualchung mi nih an chim.

A zaam mi ralkap hi AA sin ah a zaam i a si lai tiah chim ceih a um na in, fehter awk a ṭha rih lo tiah Western News media nih cun a langhter. SAC ralkap chungtel pakhat a zaam hnu September 12, zinglei ah cun Maharmunih(မဟာမုနိ) ah umhmun khuarmi SAC ralkap cheukhat cu Kyauktaw ah an ṭhial hna tiah tualchung ummi pakhat nih a chim.

SAC ralkap nih hramhram uknak a lak hnu ah ralkap chungtel a zaammi a tu le an um, cuti a zaam mi hna chungin tamdeuh cu AA sin ah ai dor mi an um. AA sin ah aa dormi SAC ralkap chungtel 100 leng an si cang tiah Rakhine ralkap AA in chim phuannak nawl ngeitu Khaing Thu Khah nih a rak chim.CRD THE CHIN POST