Runvennak ding ca ah UD dollar 19.4 billion hman ding in President nih cun biatung a dirh

China hrocernak a tong cuahmahmi Taiwan nih cun a ralai mi kum ah runvennak ca ah hman ding budget ka tamter a herh, tiah Taiwan President nih cun a chim.

Nizaan August 25, ah Taiwan Cabinet Minister pawl Budget phawtnak meeting  an ngei i, a ralai mi kum runvennak ding ca ah UD dollar 19.4 billion hman ding in President nih cun biatung a dirh. Hi runvennak hman ding budget hi kum dangnak in 13.9 % a tam deuh lai i a ralai mi kum Taiwan GDP i 2.5 % he aa tluk.

Runvennak ca ah hman ding Budget Biatung dirhmi cu F-16 raltuknak vanlawng, Missile le a dang raltuknak ca ah a herhmi thilri pawl cawknak ding ah a si, tiah President nih cun a chim.

Taiwan pawngkam ah China nih raltuk cawnnak a kan tuah hnawh lio ah hin Raltuknak vanlawng le Raltuknak tilawng pawl tampi kan ngeih a herh caah atu bantuk in Runvennak Budget tam deuh kan halnak hi a si, tiah tuanvo ngeitu pakhat nih cun a chim.

China nih Taiwan pawngkam ah a nganmi raltuk cawnnak a tuahhnawh i atu le tu Taiwan ramchung ah an luh tawn.CRD THE chin post

Be the first to comment

Leave a Reply

Your email address will not be published.


*