Ralhrangbawi Le A Kuttang Cheukhat Kah Thah An Tong Than, Thawngpang Fiang An Hun Langhter Cang

KNDF Nih SAC Mawtaw An Kah Palikbawi Win Zaw Thein Tel In 4 An Thi. Kayah ramkulh, Loi- Kaw – LawPyiTa lampi cungah SAC ralkap eidin a chantu mawtaw pakhat cu nizan June 30 zinglei Sml 8:45 ah ralveng a chawk mi KNDF Battalion 10 nih an hmuh i an kah hna i Palik Bawi Win Zaw Thein tel in 4 an thi.

Palik Bawi Win Zaw Thein cu Myikhtila(မိတ္တီလာ), Shan Mange (ရှမ်းမငယ်)palik sakhan in a rak i thialmi a si i Kayah(Karenni) ramkulh a phanhnak hi thla 6 hrawnglawng a si rih tiah amah he a neihniam mi hna sin in theih a si.

Minute 20 hrawng kahdohnak a chuak, SAC ralkap mawtaw cung in 9mm pistol pakhat, kuan 12, Phone pahnih an lak khawh. Mizapi vengtu ralkap hliamtuar lo tein hnu an tolh kho. Cu kahdohnak a chuahhnu in SAC ralkap LawPyiTa um Khah- Lah- Yiah 72 battalion nih kahdohnak a cannak hmun kam hrawng khuate lei ah hriamngan an kah, LayInnSuh ( ‌လေးအိမျစု)khua chungah a tla i inn pakhat a rawk tiah KNDF nih an thanh.

Be the first to comment

Leave a Reply

Your email address will not be published.


*