Palaw SAC Ralkap Sakhan Kahdohnak Ah SAC Ralkap 10 Leng An Thi, PDF 3 An Nunnak A Liam Ve

Tanintharyi ramțhen, Palaw peng PawatKone khua SAC ralkap sakhan cu Palaw PDF le țangți nih July 13 zing Sml 4:00 ah kan kah i SAC ralkap 10 leng an thi tiah Palaw PDF sin in theih a si.

Chun Sml 12:00 hrawngah kahdohnak cu a dai i kan ralkap 3 an nunnak liam. SAC ralkap 10 leng an thi tiah Palaw PDF nih an thanh. #Yesagyo Ah SAC Ralkap Mawtaw Bomb Puahhnawh An Tong Pakhat Thi

Magwe ramțhen, Yesagyo peng Yee Kone( ‌ဇီးကုန်း )khua le Sin Chaung (ဆင်‌ေချာင်း)khua karlak Laukyi hlei kam ah SAC ralkap an i citmi mawțaw hme pakhat cu mizapi vengtu ralkap phu hna nih July 13 zamlei Sml 2:30 hrawngah an kah hna i SAC ralkap 1 thi 6 hliam an tuar tiah theih a si.

Cu kahdohnak cu K.N.T phu, Yezagyo PDF, N- YSO phu, Myaing Rural Guerilla Force၊ Steel Hawk(သံမဏိသိန်းငှက်)PDF -Myaing Township phu hna i bawm in bombpuah in an doh hna hnu ah HintharPyo sakhan in mawtaw 2 ah bawmh ding in an phan i 60mm, 40 mm hna in a pawngkam hrawng cu an kahhrawk nain mizapi vengtu ralkap lei a hliammi um lo tein hnu an tolh kho tiah theih a si. Credit : The Chin Post