Nancy Pelosi Pasal Cu Zurit Buin Mawṭaw Khalh Ruangah Ni 5 Thongdan An Pek

US cozah Speaker of House of Representatives Nancy Pelosi pasal Paul Pelosi cu California ramkulh Napa County biaceihzung nih August 23, cawn nihnih ni ah ni 5 thongdan an pek tiah theih a si. A luan ciami May thla lioah khan Paul Pelosi cu zurit buin mawṭaw a khalh ruangah California biaceihbawi Joseph Solga nih atu bantuin thongdan a pek hi a si.

Paul Pelosi cu nihnih thong a tla cang i thong chungah ṭha tein a um caah nihnih an dawt. A taangmi nikhat chungah suimilam 8 chung biaceihzung ah rian a bawm hna lai tiah theih a si fawn. Thongdan pek biakhiahnak an tuah lioah hin Paul Pelosi cu biaceihzung a kai lo. California ramkulh zulhphung ningah biaceihzung nih auh lo ahcun bia an ceihmi hna kha anmah theng kai loin sihni pakhat an thlah khawh.

Paul Pelosi cu ni 5 thongdan an pek lawng si loin kum 3 chung ngiatthlai a si lai. Cun thla 3 chung zurit buin mawṭaw khalh a hmangmi hna ca i an tuahmi cawnnak (training) a kai lai i US$ 7,000 zong a liam lai. Cu pinah zu a ding maw ding lo ti theihnak ah mawṭaw seh nunter hlan ah hnimhmi Ignition Interlock Device zong a mawṭaw chungah an chiah lai.

A luan ciami May 28, 2022 ah khan Napa County cu Paul Pelosi cu zurit buin mawṭaw a khal i an zohfel tikah a thi chungah phunglam nih a onhmi nak tam deuh in zu an hmuh caah an rak tlaih i atu bantukin ni 5 chung thongdan an peknak hi a si.

Be the first to comment

Leave a Reply

Your email address will not be published.


*