Mizoram Palik Nih Mizoram Home Security Le Civil Defense Sinah Meithal Le Kuan An Pek Hna

MIZORAM PALEK NIH MIZORAM HOME GUARDS & CIVIL DEFENSE SINAH MEITHAL LE KUAN AN PEK. Lawngtlai, 23 Hniang 2022 : Mizoram palek nih 23 Hniang ah Mizoram Home Guards & Civil Defence (MRHG&CD) sinah meithal le kuan tam ngai an pekchanh, meithal kuan zat hi SLR (Self-Loading Rifle) 200 le INSAS (Indian Small Arms System) 100, a dihlak 300 a si. Cun meithal pakhat ah magazine 4 (magazine pakhat ah hin meithal kuan 20 a um dih).

Meithal le kuan pekchanhnak caan ahhin Home Minister Pu Lalchamliana nih a telpi hna, hriamnam i pekchanhnak certificate zong tial a si i, Mizoram palek aiawh in Pu John Neihlaia. IPS, IGP (Hqrs), nih a min a thut i, Mizoram Home Guards & Civil Defence (MRHG&CD) aiawh in Maj. Zosangliana Hualngo, Commandant General-cum-Director, MRHG&CD zong nih a thut ve.

 

Meithal i pekchanhnak caan hi GS Arya Mess, PHG, Aizawl ah tuah a si i, khuallian Pu Lalchamliana nih cun Mizoram palek nih MRHG&CD sinah meithal an hman lio mi, pekchanhnak an tuahmi hi philhawk a tha lai lo, caan zei maw chung cu MRHG&CD sinah meithal pekchanh hi a herh a rak ti cang i, asinain cozah phunglam ning hngah a herh bantukin kan i ruahchan ning tluk leng in a rau tiah a chim.

Home Minister nih kan ti khawhtawk in ralthuam le hmanrua tha kan ngeih hi a biapi ngai, Mizoram palek zong nih meithal le ralthuam tha a si khawhchung in ngei hna seh ti hi ka saduhthah a si.

A si khawh chungin hman kan lak ve tiah a chim fawn. MRHG ahhin a tuanmi 200 an tling lo, volunteer hna he 1000 hrawng an um, India ram State kip ah an dirhmun hi lung a si deuh lo ngai, tu ahhin MRHG volunteer dingin minung 11 nak tam lak chap dingin kan hal tiah a chim fawn.

Maj. Zosangliana Hualngo, Commandant General-cum-Director, MRHG&CD zong nih meithal kan herh ning nan kan theihthiam piak caah Home Minister le Mizoram palek cungah kan i lawmtuk,

An hman liomi meithal .303 rifle le sten gun hna cu Mizoram palek nih an pek mi hna a thin deuh cang caah meithal tha deuh an herh lio ah tu bantukin pek a si caah MRHG & CD zong nih hinak tha in an duty khawh ruahchannak a ngeihnak kong a chim.

Meithal le kuan i pekchanhnak caan hi Pu John Neihlaia. IPS, IGP (Hqrs), nih a hruai i, Pu Lalbiakthanga Khiangte, IPS, DIGP (Hqrs) nih lawmhnak biachimnak in khar a si. Credit: The Lairam Times

Be the first to comment

Leave a Reply

Your email address will not be published.


*