Lemcan Thiam Myat Noe Aye In A Suahcam Laksawng Zunbun Cu Dothlennak Hrangah A Hlu Ding

Lemcan Thiam Myat Noe Aye In A Suahcam Laksawng Zunbun Cu Dothlennak Hrangah A Hlu Ding

Myanmar lemcan thiam hminthang pakhat Myat Noe Aye in a suahcam laksawng zunbun cu dothlennak hrangah a hlu ding. August 15 sun ah kum 26 a kim dingih cumi sirhsan in a zunbun hrangah aungbali an tuah.

Myat Noe Aye hi ralhrang in ramsung thuneihnak an lak pekte ah nasa zetin lamzawhnak ah a cangvai ih ralhrang pawlin kai dingin pukmah 505 hmang in thubuai an orhter. Hmunhimnak ah a tlan ih ralhrang pawl a do vivo.

Myat Noe Aye in, “Kum 24 ka suahcam lai ih laksawng ka dawng mi a si. Dothlennak hrangah ka hlu ding. A man cu a tam tuk lo men thei. Asinan, ka hringnun ih ka thilton mi lakah ka phelh dah lo. Ka tlansuah lai khalah hnipuan pakhat lawngin ka tlan ih zunbun cu ka bun ringring.

Ziangtik lai caan khalah ka kiangah arak um ringring ruangah ka ret thupi zet mi a si” a ti. Aungbali cu pakhatnak, pahnihnak le pathumnak khal an tuah ding. Pakhatnak ngahtu cu zunbun hi an co dingAungbali pakhat ah Myanmar sumpai in 15000, Thailand sumpai in 300, Singapore sumpai in $15, Australia sumpai in $15 le USD $10 in an zuar ding. August 15 ihsin an zuar thok dingih September 9 tiang an zuar ding, an ngah mi sumsaw cu dothlennak hrangah an hlu ding.

Be the first to comment

Leave a Reply

Your email address will not be published.


*