Kani Peng Kahdohnak Ah A Thimi SAC Ralkap Hna Cu Songkhoi Ah Vawlei He Rawn Chih In Tiva Ah an Thlak Hna

Sagaing ramṭhen, Kani peng ah rallam sialtu SAC ralkap 70 leng le Kyauklungkyi (ကျောက်လုံးကြီး) brigade hna cu nihin August 23 ah an i kap i, SAC ralkap lei a thimi hna cu songkhoi chung ah vawlei rawn chih in tiva chung ah an thlak hna, tiah theih a si.

Nihin zinglei suimilam 8:00 hrawng ah Bungmazin(ဘုမ္မဇင်း) khua in Chaintasuh(ချမ်းသာစု) khua lei ah rallam sialtu SAC ralkap le Kyauklungkyi (ကျောက်လုံးကြီး) brigade kar suimilam 2:00 tluk kahdohnak a chuak, tiah Kyauklungkyi (ကျောက်လုံးကြီး) brigade in chimphuannak nawlngeitu nih a chim.

“Cu kahdohnak ah cun SAC ralkap 15 hrawng an thi i, a thimi SAC ralkap hna ruak cu tiva lei ah kalpi in, songkhoi chung ah vawlei he rawn chih in tichung ah an thlak hna,” tiah chimphuan nawlngeitu nih cun a chim.

A luancia August 7 zong ah khan Kani pengchung, Kyauklungkyi (ကျောက်လုံးကြီး) brigade le SAC ralkap kar kahdohnak voi thum a chuak i, cu kahdohnak ah cun SAC ralkap 16 an rak thi, tiah theih a si.

Nyawaddy-Waw Lay Lampi Kahdohnak Ah PDF Pakhat Nunnak Liam, 4 Hliam An Tuar!: Nihin August ni 23, Myawaddy-Waw Lay lampi ah SAC le Cobra tualchung hriamtlai phu kar kahdohnak a chuak tiah theih a si.

Cu kahdohnak ah cun SAC lei nih zing suimilam 10 hrawng ah Hmawbi vanlawng tual in Yak-130 raltuknak vanlawng 4, Taungoo vanlawng tual in raltuknak vanlawng pakhat an thlah i, zaanlei suimilam 3 hrawng ah Hmawbi vanlawng tual in a zuang mi vanlawng 2 nih zaanlei suimilam 4 tiang hrawng bomb an thlak caah Cobra hriamtlai phu in ralkap pakhat nunnak a liam. PDF chungtel pakhat zong hliam fak ngai a tuar i, midang pathum zong hliam hmete an tuar, tiah Cobra PDF nih cathanh an chuah.

SAC ralkap lei in zeizat an thih i hliam an tuar ti cu kan fehter kho rih lo, tiah an cathanh ah cun an langhter. Credit : The Chin Post

Be the first to comment

Leave a Reply

Your email address will not be published.


*