Bawipa nih umpi zungzal ko hna seh law, Ram le miphun caah nun ai pe mi le a pasal ttha Bawipa nih in kil veng zungzal ko hna seh. Nizaan ah kan Chin Pasal ttha pawl ral an doh nak hi van zoh ve hna usih, mah tluk tiangtiang in kan khuaram ti le tlang le kan ram kilvennak caah an nun thap in ral an tuk lio hi ngeih a chia ko mu, khuazaram kip um mi chin mi hna nih a si khawh chungin kan lai ralkap caah ngeihchiah chawva in dirkamh ko rih hna usih.
A tanglei ah an i thuat cuahmah lio Video kan van chiah chih zoh cio khawh rak i zuam hna usih.
thawngpang dang relchap : Chin Ramkulh Chung Ralzaam Hna Lak Ah Raifanh Zawtnak A Karh!
Chin Ramkulh Chung Ralzaam Hna Lak Ah Raifanh Zawtnak A Karh! Chin ramkulh chung hmun cheukhat ah ralzaam hna cu rai nih a fanh hna lengah an taksa ah raifanh zawtnak hrik(Malaria) hmuh a si ruangah sii boih mi khiangthawng an herh ngai, tiah Chin Health Organization nih an thanh. Kum dang ah cun Chin ramkulh i peng pakhat ah kumkhat chung ah raifanh zawtnak in a zaw mi minung 3 in 15 lawng hmuh an si caah 2025 ahcun raifanh zawtnak a tlau kho mi hmunram ah ruah mi ramkulh a si.
Chin Health Organization in rianngeitu pakhat nih cun, “Cazin kan laak khawh mi hi Kanpalet, Matupi, le Mindat peng hna an si i, April thla in June thla tiang ah kan laak mi cazin a si. Thlathum chung ah raifanh in a zaw mi cu 40 tluk an um cang. Hi bantuk in raifanh zawtnak a karh nak a ruang cu ralzaam dirhmun an phanh ruangah sii-ai runvennak le khiangthawng an ngeih lo caah a si,” tiah a chim.
Tu kum chung ah Matupi in Mindat lei ah a zaam mi pakhat cu raifanh zawtnak in a nunnak a liam cang tiah theih a si. Atu lio hi ralzaam hna sinah thluak ah a kai mi raifanh zawtnak hmuh an si i, hi zawtnak hrik hi minung thihnak tiang a phakter khotu zawtnak hrik a si. Cuhlan ah cun Chin ramkulh chung ah raifanh zawtnak cu Paletwa peng lawng ah hmuh a si cang nain atu ah cun Mindat, Matupi, Kanpalet le Thantlang peng zong ah ṭhan hmuh a si.
Leave a Reply