Kalay Peng Ah Chinmi Pa Pakhat Ti Ah A Pam

Kalay Peng Ah Chinmi Pa Pakhat Ti Ah A Pam. Kalay peng thlanglei Thayarkung khua pawng tiva ah Pa Dam Lian Sang(kum 28) cu nizan July 6 ah ti ah a pam, tiah theih a si. Pa Dam Lian Sang cu Chin ramkulh, Falam peng Munpi khua in Kalay ah a tlawnglmi a si i, atu bantuk in ti ah a pam hi a si. A ruak cu khuami nih an kawl len ko nain an hmu kho rih lo, tiah kan theih. The Chin Post

Thawngpang dang relchap : HpaKant Peng Ah Palik Bawi Telh In Palik 7 Cu Meithal Zun 4 He KIA, PDF Nih An Tlaih Hna

Kachin ramkulh, Hpakant peng ah palik bawi pakhat telh in palik 7 cu meithal zun 4 he KIA, PDF nih an tlaih hna, tiah PDF sin in theih a si. Nizan July 5 zing sml 11:00 hrawng ah Hpakant le Nanya(နန့်ယား) karah palik 7 cu KIA, PDF ṭangṭi phu nih kan tlaih hna, tiah PDF nih an fehter.

“Hpakant palik 7 cu meithal zun 4 he kan tlaih hna. Dik thliar tein thanhnak nawl cu kan ngei lo. Nizan July 5 zing sml 11:00 hrawng ah Hpakant le Nanya karah kan tlaih hna” tiah PDF nih an chim.

Tlaih a tong mi palik 7 cu KaaMai(ကာမိုင်း) khua in Hpakant peng biaceih zung lei an kal lioah lampi ah tlaih an ton hi a si. Cu kong he pehtlai in KIA chimphuannak nawlngeitu ralbawi, Colonel Naw Bu cu Khit Thit Media nih biahalnak an tuah hnik ko nain, an pehtlai kho lo, tiah theih a si.