12.AUGUST1! Russia-India i bawm in an Sermi BrahMos

Missile SAC nih A Cawk Lai!

| 12 Aug 2022 : Nuclear Bomb ngeih ding in mang a manh cuahmah lio mi Myanmar uknak latu SAC Navy Ralkap nih, Russia – India nih i bawm in an serchuahmi, a thawng tluk in a rangmi BrahMos bomb cu an cawk lai, tiah Russia TASS chirhchan in Defense Express nih a ṭial.

BrahMos Bomb hi Myanmar SAC Ralkap nih cawk zau ding in an timh cuahmah lio a si. Hi Bomb cawknak ding ah Myanmar nih India sin in phaisa cawi in a cawk lai, tiah theih a si.

Russia nih Bomb cawknak kong ah a rannak in rianhma a kalpi i, hi bomb hi Su-30 Jet Fighter ah bunh i hman khawh a si pin ah raltuknak tilawng cheukhat zong ah bunh i hman khawhmi a si, tiah theih a si.

SAC nih BrahMos a cawknak a ruang bik cu tulio ah Myanmar ram hmuncheukhat i Tualchung hriamtlai le SAC Ralkap kar i tukdohnak ah a tlawmlei an dir peng caah hmualngei deuh in hriamnam ṭha hman a duh ruang ah a si tiah zumh a si. Russia le India nih BrahMos Missile serchuahnak zungpi cu New Delhi ah an hun.a rel tu nan ah kan i lawm