Press "Enter" to skip to content

Myanmar Idol Benjamin Sum A Nu Hi Pei Khuaruahhar In Hlasak A Rak Thiam Ko Hi (+Video)

Tu lio a lar taktak mi Myanmar Idol Benjamin Sum hi hlasak thiam lo awk hrim a rak si lo hi teh, A nu pei hlasak a rak thiam tuk hi, a men hrimhrim loh, uar aum kho taktak, a nu hi a mui ai dawh pin ah hlasak thiam pakhat a rak si.

A hlasak nak hi van zoh tti ta hna usih. “Thlarau Vanruah” timi hla a si a aw cu a ttha kho ve taktak.

Thawngpang dang relchap >>>>>>>>>>

Avoi 7nak HECYF Cup Ah EAG Nih Champion An Hmuh

A voi 7nak September 23-October 5 tiang Hakha ah tuah mi Hakha Evangelical Church Youth Fellowship (HECYF) Cup cu EAG le BCM nih final an kai i EAG (Evangelical Assembly of God) nih pakhatnak an hmu tiah kan theih.

“HECYF Cup kan tuahnak a ruang bik cu kan mah Evangelical Church Khirhfabu kip ah ummi mino pawl hi pakhat le pakhat kan i theih tuk hna lo caah pumpululh chuihnak le lentecelhnak in pakhat le pakhat taksa lei in i theih hngalhnak le i hawikomhnak chuah seh ti kan duh caah kan tuah mi a si. Cun hi lentecelhnak lawng si loin zaan ah Pathian thangthat tinak zong kan ngei chih. Hi kan tuahnak thawng in hmailei ah hmun khat te rian tuan ti khawhnak le Pathian ramkuahnak caah timhtuahnak he kan tuah mi a si. Hmailei zong ah kan pehzulh peng rih ko lai” tiah tuanvo ngeitu pakhat nih The Chinland Post ah a chim.

“Hi bantuk lentecelhnak kan tuahnak thawngin Khirhfabu chung ummi mino hla zong a cawn tuk lomi le mino cawlcanghnak chungah ai tel tum tuk lomi kan mino pawl hna kha pakhat le pakhat i hawikomh in le biaknak lei ah hruai kho hna u sih ti kan duh caah a si. Cun lentecelhnak lawng si loin zaan ah Pathian thangthatnak caan zong kan hman chih caah taksa lei he thlarua lei he pakhat le pakhat hawikomhnak tampi a chuah pi” tiah a chim chap.

Hi HECYF Cup lentecelhnak ah hin pa Chinlung ah Calvary Baptist Church nih pakhatnak an lak. Cun nu Volley Ball ah Mara Evangelical Church nih pakhatnak, pa Volley ball ah BCM (A) nih pakhatnak an lak tiah kan theih.

HECYF Cup ah thiamhlei laksawng cotu hna cu, Gold keeper Henry, Hnukham Van Lal Lian Maw, Center ah Cung Chin, hmaikai ah Benjamin, the best player ah Chan Thawng, Gold tambik Calvary in Benjamin le Van Bawi Thawng an si tiah kan theih.

Hi lentecelhnak ah laksawng pawl cu, pa pumpululh chuih pakhatnak laksawng Kyats 150,000 le trophy, pahnihnak Kyats 80,000, nu le pa Volley Ball laksawng caah khengpi a si. Thiamhlei laksawng caah trophy a si tiah kan theih.

Tukum a voi 7nak HECYF Cup ah team 12 an chuak kho I Champion ah EAG an si. A hnu bik HECYF Cup Champion cu Believer an si tiah kan theih. Thechinlandpost

Be First to Comment

Leave a Reply

Your email address will not be published. Required fields are marked *