Press "Enter" to skip to content

Zahan Zaan Esther A Tahnak A Ruang Kha Kawl Media Pakhat Nih Mah Ti Bak Hin Pei A Rak Langhter Ve Ning Si Hi

Zahan zan i Kan farnu Esther tah tuknak a ruang le Esther a lung hno tuk tawnnak ruang cu Kawl media pakhat nih cun hi ti hin a langhter. Esther hi a tah a thu tuk tiah mi tampi nih an soisel ngai ngai. Asinain kawl media pakhat nih cun hi ti bak hin a van langhter ko.

‘Mipi nih theih tuk lomi Myanmar idol zuam lio mi Ester tuanbia tawi’ tiah Kawl media nih cun a tial.

Attah athu tuk mi mitthli in mipi thinlung cawk a timh Tiah soisel atong mi Ester hi attah peng hi Zeiset da asi.Esther a chungkhar tuanbia cu Kyaw Thura Htun timi account nih tihin alangh ter. “Ester apa hi Hakha ah nazi a remh mi asi,khuasa khomi Mirum pi an si lo.Unau pa 4 chuak an si Esther hi Anu Tiah an auh mi asi,fa upa asi fawn.An nupa farual in an kal nak poah ah an I zul ton.An kal tti an ei tti an leng tti. Cycle achia pi he cycle pakhat ah minung paruk cu an I tlum lo caah ,an pa nih voi hnih in athial ton hna.Esther hi hlasak zuam tuk tik ah biakinn ah hla asa ton.Biakinn lawng siloin sianginn lei zong ah hlasak zuamnak ah teinak arak hmuh. Hlasak athiam tuk mi Esther cu an biakinn khuakhan nak in nichuah lei he nitlak lei he tiah Pathian thangthat nak hlasa ding in an thlah.

University kai acut tik ah Yangon ah hostel(asawng )hlan in khua asa. Innchung khar adaw tuk mi Esther apa cu an chungkhar dirhmun le a fale fimcawn nak caah tiah ramleng chuak in ruanttuan aathawh ve .Ahlan ah cycle chia tehe nuam tein chungkhar tling tein caan ahmang peng mihna, atu ah cun an I tthen tthek dih cang. Culio ah Laitlang ah inn a hngak mi Esther a nu cu leephiat in azaw.Ester nih Kapa arak tlun cun kan family dihlak in kawlram pumpaluk cul in kan vak lai tiah chunmang kamanh micu a tling kho tilo e tiah ati i a ttap. Aho poah nih kanmah kan sining cio in harnak kan tong cio hna .Ester zong a mawh ve ma .Milai upa pipi nih aa ttah ter e nan ti mihi khuaruah har ngaingai nan si ko.

Nannih nan caah ahcun zeihmanh asi lailo nain Esther caah cun Myanmar idol hi a chunmang asi,a chunmang kutka pawng ah adir lio asi.Music le hla lei azuam tuk mi Esther caah cun Hla he pehtlai in a thinlung aasum kholo i a mitthli tlak afawi,anuamh zong afawi. Ahohmanh i soisel hlah usih,huat nak silo in dawt nak tu karh ter usih.” tiah kawl media nih cun a langh ter. chinthinkers

Be First to Comment

Leave a Reply

Your email address will not be published. Required fields are marked *