Press "Enter" to skip to content

Saya David lah hi a palh maw palh lo cu mah ka hin na theih lai – Video

A tang ah video ka van chiah bantuk in hin keimah nih cun zeihman ka chim lai lo mipi nih nan hmuh ning le nan ruah ningtu rak chim ding ah kan sawm hna’ Cheukhat laimi tampi nih a palh an ti cheukhat nih a palh nak a um lo an tive bantuk in a tu tan video ka van chiah mi nih hin thil sining tampi a fiantar ngai ngai caah rak zoh ve law bia khia nak cu rak tuah ve tuah hngat.

“Pathian saltha David La cu kawlpawl nih sual an phawtnak video kong ah fianternak asi i kawl hrokhrol thil tuah mi van ngai cio ve tuah uh” Credit : Ro Lian Thang

A tanglei ah a Video kan van thil chih, a video in tlangtling tein ngeih khawh cio rak i zuam hna usih.

Thawngpang dang relchap >>>>

Insien Thonginn Ah Saya David Lah

Tulio thawngzamhnak ah hmunhma a laa ngaimi cu Saya David Lah kong asi, ramchung thawngzamh lawng hlah, Vawlei pi khingin minthang thawngzamh asimi, Reuter le The Star tibantuk tiang nih an vun thai lulh cio. Chin miphun tampi zong nih buaipi lulh cio asi rua, a palh ko a timi um asi i, palh nemmam hlah, Biaknak tlawm (Christian) namneh asi tiah thih ngamh (online chunglawng) zong cu rak um asi.

Asi, Christian kan dirhmun in cuanh ahcun Saya David Lah biaceihzung ah chuahpi in biaceih ding cu, thin a thi kho hrimhrim lo. Asinain, Saya David Lah a palh lo, Phungki zong a buu in an um ko, Thawngzamh le Palek zong “Social Distance Phung” an buar ve ko tiah kan aunak nih Saya Davih Lah a khamh lai ti cu ruahchan ngam ding asi lem hnga lo. Biaceihzung chungah, keimah lawng ka sual lo, midang zong an sual ve ko tinak nih biaceihmi pa kha luatnak a pe bal lo. Biaceihmi pa nih, a palhlonak a langhter khawh, cun nawlnak ( appeal) a tuahmi lawng kha a biaceihnak ah laireltu/santlai asi hnga.

Kumzabuu 21 chungah, kum 10 tlukceo lawng Zauk Phung a hmang rihmi Kawlram mipi nih USA mipi bantukin, tlukruannak kan hmuh ve awk asi ti i ruahchan cu ” thalpak pakhat in Japan ral ka doh lai” ti he aa lo hnga. Asi, kan i ruahchan ding asi ko, nain asi kho rih lai lo. Cun mi tam-u nih mi tlawm-deuh namneh, Biaknak ngan nih Biaknak hme deuh namneh ti cu Vawlei cung pumpi ah a um dih ko titluk asi. Kawlram pumpi ah zatuak 6 (%) tluk lawng asi mi Christian pawl cu mitam-u Biaknak, Buddist nih namneh kan si cu thil thar asi lo ti cu hngalh cio asi ko lai dah!. Zeitluk indah Kawlram ah Upadi nih nawl a ngeih ti zong a theicia, a hngalcia tam dawh kan si. Ralkap uknak chan in nitin Zauk Phung uknak chan tiang ” Tayaa Upade Suumuzii” tiah au peng asi, nain Rampi Cozah NLD miisa bakte, Pu Ko Ni thihnak hmanh nihin tiang zeiruam a leng ti lo, thareng bang a chel ah a awn lai, a chel ah a tlau lai i Pu Ko Ni case zong hi a nunkhua sau dawh asi ti lo. Cucaah zeibantuk kong hmanah, mitlawm deuh buu nihcun Phung leng kan lamh lo bak a herh, upadi hi zeimaw caan ah cun sio-rawl asi tawn.

Nihin ah thawng pakhat ka rel, cucu atu ka vun thaimi kong hi asi, cu nihcun ka lung a ka laak ngai caah ka rak tial lannak asi. Saya David Lah hi Canada ram mi sinak a ngeimi, Kawlram chuak asi, tutan hi Kawlram nih Covid-19 ruangah phung a chuahmi “Mibuu Pumhnak Tuah Lo Ding” timi phung an buar tiah a hawipa ( asi men lai) Wai Tun he biaceih dingah tlaih an si hi asi, nain Wai Tun cu nihin tiang biaceihzung a phaan lo tiah an tial.

Catialtu nih a tialchihmi cu ” Pathian Bia nan theih ahcun, Covid-19 zawtnak nan ngei kho lai lo, Jesuh minin ka thianh” tiah Saya David Lah nih a rak chimmi bia hna a tial chih. Asihrim, “Pathian nan zumh ahcun harnak nan tong lai lo, zawtnak nan ing lai lo” timi cawnpiaknak cu Bible leng cawnpiaknak a rak si ko rua.

Saya David Lah cu, phung a buar caah an tlaih pinah, thilpoi pakhat cu anmah pumhnak ( an tam rua lo) chungah aa telmi chungin minung 20 bak Covid-19 positive an si i amah pumpak zong positive asi ve, cu nihcun mizaw 68 tiang bak a hrin tiah Kawlram Ngandamnak lei chimnak nawlngeitu Thar Tun Kyaw nih a chim. Nihin ca ka tial tiangah Kawlram chungah mizaw 199 an si, culakah voi khat pumhnak nih mizaw 68 bak a hrin tikah Saya David Lah hruaimi pumhnak cu a langsar ngai i Sur chep pa caah cun caantha taktak ah a cang.

Saya Divid Lah sualphawtnak hi kum thum (3) tiang thong thlak khawhnak phung buarnak asi. Nain nihin tiangah biaceihzung nih zeihmanh ri an khiah piakmi a um rih lo, theih duhmi hal dingah 3 June 2020 tiang cu Insien Thonginn ah a um rih lai titiang lawng an langhter.

Be First to Comment

Leave a Reply

Your email address will not be published. Required fields are marked *