Press "Enter" to skip to content

R.I.P : Apoi Tuk E Ti Nih Kum 12 Hngakchia Te Cu A Nunnak A Lak Ko

Apoi tuk hringhran ai e, minung ngai hi aw ti nih hin minung zeizat ruangmang dek a kan lak cang mu, a tu zongah kan nau nu te Ma Oo Pin Myo Khirhfa Biakinn pawng Tidil chungah February 7,2020 zinglei suimilaam 7:00am hrawngah khan Yangon in a rak ra mi U Sawla Man i a fanu Ma Nawsemolarwa kum 12 hngakchia nu cu ti chungah atlak caah a nun nak a liam.

Ma Oo Pin Myo, Sangkhatnak a um mi mibawmchan tu hna nih ti chungah a tla mi nu cu an kawl i, zinglei suimilaam 10:00am hrawngah pe sawm nga a kau mi, ti a thuk pe kul hrawngah a ruak cu an hmuh i, an lak khawh tiah theih a si.

thawngpang dang relchap >>>>>>

Kawl Miphun Nih Peih Chin Miphun MP Kan Ngeihmi Vialte Hna An Kan Hlawt Dih Piak Cang Hna Lai Hi

Kalay pengtlang in Pyituh Hluttaw MP Pi Siam (Aye Aye Mu) kan i ngeih mi cu Kawl miphun hna nih kan duh lo tiah vawlei pi theih in tuchun ah an duhlo nak an langhter.hi tibantuk in Chin miphun caah rian t’uantu kan i ngeih mi Pyituh Hluttaw MP Pi Siam (Aye Aye Mu)kan duh lo tiah a au khuang mi hna cu minung 700 renglo an si.cu chungah minung 200 hrawng cu 2020 thlathar chungah NLD chungtel thar an si tiah theih a si.

Pyituh Hluttaw MP Pi Siam (Aye Aye Mu) hi Chin miphun nih cun kan dirkamh cio ko lai dah!tuzingah Pyituh Hluttaw MP Pi Siam (Aye Aye Mu) konghe pehtlai in tlawmpal cu kan rak langhter cang ko na in cu hnu ah a mah konghe pehtlai in media tampi nih a chim t’han mi hna cu vun langhter t’han ka duh.NLD cungtel kawl miphun minung 700 renglo hna nih an chim mi cu,”Hluttaw MP Pi Siam duhlonak an chim mi cu miphun thleidan nak a ngei”ti kha an chim bik mi a si.

Cun,a luancia ah Pu Henry Van Ṭhio Vice President sinak rian an rak kinh lio ah khan Yangon khuapi Hmawbi ah Phungkyi lukong rual tawl rel nak in Kawl miphun zei maw zat nih rampi Vice President rian t’uan dingah Chin miphun a si mi Pu Henry Van Ṭhio cu kan duh hrimhrim lo tiah an duhlo nak langhter in lamzawhnak an rak tuah bal cang.a tutan ah le Kawl miphun nih Kalay pengtlang in MP pakhat kan i ngeihmi Pi Siam cu kan duhlo tiah an chim t’han rih.

Chinram le miphun t’hancho nak cu Kawl miphun nih tuah piak le sersiam piak an kan duh lo ning le zei ah an kan rel lo ning hi nikhat hnu nikhat in a lang chin lengmang.Cucaah Chin miphun kan lung a rual caan hi a si cang!Pi Siam nih MP a rak i cuh hlan hrimhrim mi an party biatak tein rian a rak t’uan mi a si.Kalay peng party chairperson rian a rak tlaitu a si zungzal.MP a si hlan hrimhrim in MP ah a kai sual lai ti an rak phan caah Kawl miphun hna nih District hruaitu a si nak in thlak an rak timh peng mi a si cang.MP a kai hnu in a tu thil a cangmi hi a si.Chin ram kulh in MP dangdang kan i ngeih mi hna,midang zong hi Kawl miphun nih mah ti hin an tuah t’han hna lai lo ti hi chim khawh a si ti lo.Curuangah Chin miphun lungrual tein kan MP pawl hna an nih party e,kei mah party e ti lo in kan i dirkamh caan a si cang.

Be First to Comment

Leave a Reply

Your email address will not be published. Required fields are marked *