Palik pawl AA nih an kahmi hna kongah Palik bawipa nih a chimmi

AA nih ramri cong palik sakhan hmun li January 4 slm 6:00 am ah an kah hna caah atu hi kan kawlram a van buai pah ngai cang. Biatak tein ral thawh ai awt cang ko rua ti awktlak in a um cang.

Atu kan van langh termi hi ramri cong palik bawi Myint Htoe nih a chimmi asi. Palik bawipa nih cun, “AA nih an kan kahnak hi kan dothlat lai, thawngpang kan kawl lai, ram kan thianhhlim lai. A herh ahcun kah dingin kan i tim ve ko cang. AA nih hin an kan kap than lai lo ti awk a tha lo. An kan kah khawh than kho men mi asi. Cu asi caah kan nih zong kan i timhcia thipthep ve” tiah Mizzima Burmese News ah a chim.

January 4 i AA nih palik sakhan an kah ruangah Ngamibawng palik sakhan in minung 9 an thi, minung 2 hliam an tuar, Cawngtawng palik sakhan in palik minung 2 an thi, minung 1 hliam a tuar, Kukpi palik sakhan in minung 3 hliam an tuar, Khathi palik sakhan in minung 2 an thi, minung 3 hliam an tuar i meithal zuun 40 an sung, zenkuan (16111), kut tlaih phone 1 hna cu an sung tiah cozah nih an langh ter.

AA nih an kah hna ruangah pawngkam khua mi minung (200) leng cu an inn le lo ah um ngam loin an zaam hna tiah theih asi.

Palik bawi nih, “AA nih kah than an kan timh timi thawngpang a leng pah lengmang. Hihi kan mah lei zongin kan i ralring pengmi asi” tiah a chim chap.

Mizoworld News


Be the first to comment

Leave a Reply

Your email address will not be published.


*