Press "Enter" to skip to content

Nikum Myanmar Idol Winner Phyo Myat Aung Nih Tu Kum Myanmar Idol Winner A Zumhmi A Phuan Vuaimai Ko (+Video)

Myanmar Idol cu tu kum in cun a kum 4 nak a si ve cang i, mah chung ah hin nu tampi zuamnak ah an ni tel ve ko nain tu tiang ah cun pa lawng te nih Winner a ngah peng rih. A luancia mi MMID season 3 lio ah Winner a la tu cu Phyo Myat Aung a si.

Tu kum Myanmar Idol 4 cu kum dang nak in a sunglawi deuhmi hna a lo pah a ruang cu, kan chim mi chung in minung pali bak an ni tel kho, Si na tein kan nau Naga mi Tan Khun Kyaw cu top 8 zuamnak a tla cang. Nizan ah khan top 7 ai zuammi hna chung in nu pakhat an tla tthan.

Tu ah cun nu pathum le pathum an tang i mah hna chung in mi tampi nih winner la ding ah an zumh cem mi cu an mah kawl miphun nih cun Aye Mya Phyo a sii, Falam lei nih cun Benjamin Sum a si ve, cun Hakha lei nih cun Esther Dawt Chin Sung a si ve.

Mah le ttanhmi cio hi um phung a si ko caah cheu khat lai mi nih cun Benjamin Sum a ttanh mi zawng cu tampi an um ve. Myanmar Idol 3 winner Phyo Myat Aung interview an tuahnak ah bia an hal mi cu, tu kum Idol 4 ah khin winner ngah ding ah mi zeidah na zumh cem tiah an hal.

Mah ka i a chim mi cu, pa zawng an thiamdih ko nain tu kum cu nu khi an thiam khun tiah a chim. A chim tthan mi cu, kan hnung kum zawng mi tampi nih cun nu kha an zumh deuh ko nain pa nih ka lak tthan, mah caahcun nu nih an lak hrim hrim lai ti cu chim khawh a si lo tiah a leh hna.

Esther le Aye Mya Phyo cu sayamah khti bak an si ko an ttha law law tiah a chim. Myanmar Idol 3 winner Phyo Myat Aung biachim ngaih tik ah tu kum Idol 4 winner cu pa si lo in nu nih ngah dawh ngai an si cang. Mah caah cun kei mah zumh ning ah cun kan nau nu Esther nih a ngah te ttheu lai tiah ka zumh ko.

Top 6 a lai mi chung in zoh lengmang tik ah mipi lungthin a la kho cem tu tiah ka ruah cem mi cu kan nau nu Esther khi a si ko. Hmanh sehlaw minung cu, kan ttanh mi le kan duhmi ai dan cio bang in keimah zumh mi hi na zumhmi zawng a si lo kho men mah caah cun nang tu kum Idol 4 ah winner la ding ah na zumhmi rak chim ve.

Video kan van thil chih.

Thawngpang dang relchap ….

President Trump Hi ” The Chosen One” Pathian Thim Mi A Si Ko : By Rick Perry

Energy Secretary Rick Perry nih cun President Trump hi Pathian nih American mipi a hruaitu ding in, “The Chosen One” asi hi azumh bak mi cu asi.Fox News nih interview nakah Pathian nih hin mi tlamtling lo mizong hi, hruaitu/Bawi caah a thim tawn ko hna. Solomon zong mi tlamtling lo mi a si i,David zong cubantuk tthimtthiam a si ve ko, pawl zong mi tlamtling lo mi a si ko tiin a chim.

Conspiracy theorist radio host hna nih Trump hi “The King of Isreal,the second coming of God” tlukin a chim tawn. A tu naiah Isreal nih,Golan hights, West Bank i aum i hna Judai le Samari te hna zong apek cang hna. Perry nih hin Oval Office ah ” Mr President nang hi,pathian nih an thim mi cu na si,nasi bak ko, a ruang cu Pathian nih chiti an tawih ruangah a si ko.

“Evengilical Christain hna nih President Trump hi an support tuk ko. Vawleicung i,Missionary a lartuk mi,Franklin Graham te hna zong nih Trump nih a thil tuah mi hman hlah hmanhsehlaw,Isreal siangpahrang David zong nih khan, Bethsebi cu, fa apawiter i, apasal a thah piak ko. thil a tisualtuk ve ko tiin a chim.

Energy Secretary Rick Perry hi Ukraine President thar Zelensky lakluh lio ah khan President Trump nih US cozah ai awh in a kalter mi a si .A tu i Trump le Ukraine Case ah hin, Democrats hna nih,an zoh lio lengmang mi ah hin, a tel ve .Perry hi Texas Governor hlun a si i, kum 2016 ahkhan Republicans leiah President Seat a cuh ve hmanh ti si. United Methodist Church in a tthang mi a si i, kum 2007 ah khan Conservative Evangilical Mega church ah a lut ti si.

Be First to Comment

Leave a Reply

Your email address will not be published. Required fields are marked *