Press "Enter" to skip to content

Myanmar Hluttaw ah Coronavirus checknak an tuah thluahmah ve cang

A tu lio Coronavirus kong he pehtlai in vawlei cung khuaza ram kip cu thinphang dai loin an um ko cang. Myanmar Hluttaw ah Coronavirus checknak an tuah thluahmah ve cang hna. Yangon ah cun Movie Theater pawl zong an khar dih ve cang hna. Photo-Irrawaddy

Thawngpang dangrelchap >>>>

PALETWA KONG HI “SECURITAZATION” A HAU!CBCUSA General Secretary Rev. Dr. Thlaawr Bawihrin nih, “Paletwa ram bawmhnak caah CBCUSA Khrihfabu 112 cu ca ka kuat dih hna, a tlawmbik inn dongkhat nih facang tunkhat nan thawh dih lai, tiah ka nawl hna” tiah ati.Ka lung a tling ngaingai.Ka umnak ram Chin Christian Association of Denmark sinah “Paletwa kan unau hna sinah kutsamh ve hi lakhruak in ceih awk a ?ha lai dakaw?” tiah kan hnuah ka rak ti ve len.”Paletwa peng ah milu 150,000 an um. Milu 60,000 nih harnak an tong, khua 20 a rawk, sianginn 212 an khar, saya 200 an um ti lo, Paletwa ram cu AA ruangah a rawk ko cang, a rannak in bawmh an hau” tiah CBCUSA GS nih a chim.Nizan ah Khumi (KACC) nih “Paletwa ah minung 12 cu kuan-hma in an thi, fak ngaiin mi 12 nih hliamhma an pu” tiah cathanh a chuah.Thin a hung, ngaih zong khi chia i, lung zong khi a fak.Kan miphun unau hna nih harnak fak ngaingai in an tawn hi cu phun dang a hei si rih. Paletwa kan ram le vawlei te hi miphun dang kut tangah kan hun sung taktak sual ko lai ti hi phan a hun um ngaingai ko cang. Miphun mitin kan zoh set ahcun “state of emergency” dirhmun ah kan lut hnik ko cang in a hun lang.U.S.A President Ronald Reagan nih “a nation that cannot control its borders is not a nation” tiah a rak chim.

Pathian nih miphun pakhat ah a kan ser ve i, umnak ram le vawlei te a kan pek ve. Cu kan ramri le kan vawlei te zong a “humhak” kho lomi miphun hna kan si sual lai ti hi phan a hung um ngaingai.Mirang nih a kan pen lioah Paletwa peng cu Arakan Hill Tracts ah an rak chiah. Nain, Frontier Areas Committee of Enquiry (FACE) hmaiah Paletwa peng kan unau hna nih “kan nih cu Haka sinah um kan duh ko. Haka lei an umnak poah zulh kan duh ko hna” an rak ti caah Kawlram luatnak hmuh hnuin Laimi kan sin te-ah an hung um. Cu bantuk kan unau hna nih vansanglam in harnak an ton lio caanah kan zoh sawhsawh ko hna lai maw tihi ruah-awk ngaingai a hung si.Hi a tanglei ka thilmi hi kan hnuah Professor Bjørn Møller (Political Scientist) nih lecture a kan pekmi chungah “security concept” a tenh chihmi te a si.Tulio ah vawleipi ah “securitazation” timi biafaang hi a hung lar ngaingai.

Thil pakhatkhat kong kha Acozah maw, buu nih maw, miphun nih maw, “security” thilah a chiah le a canter (transforming subject into matters of security) mi kha “securitazation” an hun ti. Biana ah, tuchun ah ramkip Acozah tampi nih cun “ralzaam le mipeem” kongkau cu “humanitarian” mitin an zoh kho ti lo, “security” mitin an zoh deuh cang. Cucu “securitazation” cu a hun si.Cutin “security matter” ah chiah le canter ding cu an ram le an miphun caah tihnung thil (threat) asi maw silo timi kha kil tampi (national security, human security, societal security) mitin an zohfian hmasa tawn. Research hna tampi an tuahta tawn. Cu hnuah chiahtlaak asi ahcun “securitization” an tuah.Tuchun ah Paletwa peng i a cangmi hi atlangpi in a tanglei bang “security concept” in cuanh khawh asi ve men lai.

National Security (label), Chin state (referent object), territorial integrity (value at risk), Arakan and AA (source of threat) military attack (form of threat).Societal Security (label), Chin society in Paletwa (referent object), identity (value at risk), Arakan culture and population growth (source of threat), occupation and subjugation (form of threat)Human Security (label), Chin individuals in Paletwa (referent object), survival and quality of life (value at risk), AA and Tatmadaw (source of threat), rights violations and war crimes (form of threat)Kan zoh ahcun: kan Chin miphun le kan ram caah tih a nung ngaingaimi (source of threats le value at risks) hi a tam ngaingai i a pathum chungah an um dih. A ingtu le a tuartu (referent object) cu Chin miphun le Paletwa peng kan Chin unau kha kan si.Tuchun ah Paletwa pengah thil a cang cuahmah mi hi kil tampi in zoh tikah kan miphun unau hna hi thisa tlai unau kan sinak (brotherhood) mit lawng in zoh hi cu a za deuh ti rua lai lo.

Minunghoi zawnruah bawmhnak (humanitarian) mit lawng zongin zoh hi a za fon ti rua lai lo. Chinram le vawlei humhak nak le Chin miphun himnak (national security, societal security, human security) mit hrimhrim in zuanhnawh le bawmh hi an hau ngaingai ko cang.Phundang in chim ahcun Paletwa peng kongkau hi Chin miphun nih “securitazation” a hau ngaingai ko cang. (transforming Paletwa issue into matter of security).Ramkhelnak ah “High Politics” le “Low Politics” tiah an um. Low Politics cu: sipuazi le pawcawmnak (economics) le zatlangnun le nunphung (social affairs) tbk a huap tawn. High Politics nih cun: miphun nunnak le himnak (survival of state and security) tiang kha a huap tawn i a sangbik le a biapibik asi. Paletwa kongkau hi Chin miphun nih “Low Politics” lawng sioin a sangbik le a biapibikmi “High Politics” dirhmun zongin kan khel caan hi a cuu ngaingai ko cang ka hun tinak asi. Salai Van Lian Thang

Be First to Comment

Leave a Reply

Your email address will not be published. Required fields are marked *