Press "Enter" to skip to content

Mandalay Inn Kangh Mi Ah Nu Hmei Nu Kum 88 A Si Mi Cu Vanchiatnak Fak Tuk A Tong

Atu lio cu Kawlram hmun kip ah meikangh nak a chuak.hi tibantuk in mei kangh nak a chuah nak a ruang bik cu zei dang ruangah si lo in mei tha a hman ning an thiam lo ruangah le ningcang lo deuh in “Mei”an hman ruangah a si bik.Sagaing ramt’hen le bangah cun Inn kangmi a tam tuk cang caah mipi nih mei hman ning i ralring taktak dingah cawn piak nak ngeih cuahmah a si cang tiah theih a si.

Febuary 13 zan ah khan Mandalay peng a si mi Myin Gyan khua ah khuasa mi Nuhmei Nu inn cu ruahlo pi in Mei a kang i,Nuhmei Nu inn cu a kangh dih cikcek tiah theih a si.Inn ngeitu Pitar kum 88 cu a inn pawng um mi Bawda Siangakchia pawl hna nih an rak chanh manh caah a taksa pum cu a him na in a ngeih mi phaisa ting 47 belte cu mei nih a kangh piak dih.mah Nu hi a cahvah lio ah cun Sianginn Ca chim rian a rak t’uanmi a si.

Pitar Nu hi Kawlram Cachimh rian in pension a la cang mi a si caah a phaisa hna cu Bank ah chia lo in a Inn chungah a rak i chiah caah Mei nih a kangh piak dih nak hi a si tiah an chim.hi konghe pehtlai in t’uanvo ngeitu Kyaw Thu Tun nih a chim nak ah cun a Inn pawngah a um mi U Soe Moe Myint te inn ah Nuhmei Nu cu chiah a si rih.Nuhmei Nu nih a dam lio ah Ca a rak chimh mi a siaNgakchia t’hing pawl hna nih a Inn sak nak ding caah kut an dawh piak cuahmah tiah a chim.asinain mah Nuhmei Nu hi a min a langhter chih lo.

Be First to Comment

Leave a Reply

Your email address will not be published. Required fields are marked *