Press "Enter" to skip to content

Idol Winner Kongah Judge Phyu Phyu Kyaw Thein A Chim Mi (+Video)

MMID 4 hlasak zuamnak le Winner konghe pehtlai in Judgs Phyu Phyu Kyaw Thein cu media pakhat nih biahalnak an tuah tik ah bialehnak a tuah ning hna cu a rak fim bak ti fiang tein a lang.Media nih an biahalnak a tlangpi ah an tar mi cu”Zeruangah dah Benjamin Sum nih Winner a ngah/hmuh lo nak a ruang”ti a si.

Media nih biahalnak an tuahmi a tlangtar,”Zeruangah dah Benjamin Sum nih Winner a ngah/hmuh lo nak a ruang “biahalnak an vun tuah tik ah MMID judge Phyu Phyu Kyaw Thein nih lehnak a tuah mi cu Esther nih Winner a hmuh/co nak kongah zei bia hmanh a chim lo i,Esther nih Winner a hmuh mi cu Pathian nih a timh piak mi a si caah a si.

Cun,Aye Mya Phyu,Benjamin Sum le Esther hna cu thlaici t’ha bantuk an si cang.khuazei ka hmun hmanh ah va tuh/ vorh hna sehlaw,t’ha tein an zoh khenh hna i,an dirkamh hna a si ah cun theitlai t’ha a chuakter khotu ding an si dih ko.Winner kha a biapi ve ko na in Pathian nih an mah ca cio ah a t’ha in tinh mi a tuah piak hna ruangah khan a si bik ko.an dih lak in an thiam i,an pahrang hrimhrim a t’ha dih tiah a chim. worldnewsforchin

A tanglei ah a Video kan van chiah.

Thawngpang dang relchap >>>>>

Nuam Lai Hih : Pyinkhonegyi Khua Ah Benjamin Sum Cu Sunglawi Taktak Donnak An Tuah Lai

Myanmar Idol 4 Season ah Runner Up ngahtu Benjamin Sum cu Sunghno a Nu chuahkehnak le a ṭhanlianhnak Kalaymyo peng Pyinkhonegyi khua i a fans pawl nih sunglawi taktak in donnak an nei lai tiah kan theih.Hi an don ningcang ding program hi PART ONE le PART TWO tiin a um lai i, PART ONE ahcun biaknak lei tuahning bantukin thlacamnak le Pathian bia he thazaang peknak ngeih a si lai. PART TWO ahcun atutan MMID Season 4 zuamnak i a sakmi hla pawl kha Sound Track he Benjamin Sum nih a sak t’han hna lai.

Don tik ding ni le caan cu: January 7, 2020 (Tuesday), zing lei suimilam 8:00am ah program thawk kho dingin timtuah nak neih cuahmah a si. January 5 khi cu MMID winner Esther DCS sawmnak in Halkha City a kal ve lai zumh a si. Cu caah January 6 hrawng ah Kalay kabaw a rak kir kho lai.Benjamin Sum cu Chin mizapi thinlung a ciahneh ngaingaitu a si. Hlasak, aw-tuah le umtu cawlcangh a thiam dihmi Pahrang ngei le Chin miphun mint’hattertu Chin Star pakhat a si. Cucaah hi Ca a reltu vialte nih atutan donnak Concert hi rak kan telpi cio u tiah kan in sawm.Chin Popular News & Chinland Today Media

Be First to Comment

Leave a Reply

Your email address will not be published. Required fields are marked *