Press "Enter" to skip to content

Chief Negotiator hlun U Aung Min nih NLD Acozah nih rampi remdaihnak a kalpi ning an hliah le a caang vialte a chim dih t’han

Chief Negotiator hlun U Aung Min nih NLD Acozah nih remdaihnak a kalpining ah a hmuhning a chim.U Thein Sein Acozah a lubik hruaitu hna karah a nem phu (soft-liners) le a hak phu (hardliners) tiah an rak um. Reformers vs conservatives kan ti lai cu.Thlennak duhmi a nem phu lei hi U Aung Min le U Soe Thein tbk nih an hruai. Thura Shwe Mann zong aa tel ve. A hak lei phu hruaitu cu: Thiha Thura Tin Aung Myint Oo kha a si.

Cu phuhnih kar i suknak kha a fak pah, President Thein Sein cu khoika lei ka zulh lai, tiah chikkhat cu sivang in a um.U Aung Min nih President cu a thawh: “anmah lei phu chimmi hi na zulh cun kei cu Vuanci rian in kai phuak colh lai” ati. A piatta ngai. U Thein Sein cu khua a ruat i, U Aung Min le U Soe Thein te phu leiah kal kha aa thim.Thiha Thura Tin Aung Myint Oo cu Vice President sinak in “kai phuak!” tiah a chuak colh ve i, phungki a lut. Thong tiang an thlak beh sual lai tiah thintur in an rak um.

Naite chuak Dr Thant Myint-U cauk ah a ṭial.Ti ralkap bawizik si tonmi U Nyan Tun cu Vice President ah a hun kai.Kha lioah U Aung Min le U Soe Thein te hi rak um hna hlah sehlaw thongtla tampi an chuak lai lo. Social media zong Kawlram ah hman khawh asi lai lo. Peace Process hna an rak kalpi lo men lai. DASSK zong party register tuah kho ti loin thimnak lut kho loin umthai a fawite.

U Thein Sein nih “economic reforms” kongah U Soe Thein cu nawl nganpi a pek. U Aung Min cu “peace process” kongah “full mandate” a pek ve, “secession right” kong dah ti lo cu zeipoh nawl a pek dih ti awk khi asi. Tikah rian a rak ṭuan kho.Tulio kan Peace Negotiator (Peace Commission Chairman) pa Dr. Tin Myo Win he cun an i dang ngam sam. Huam sasai lo bu hna in cun hi rian hi cu i hnek ci asi lo. worldnewsforchin

Be First to Comment

Leave a Reply

Your email address will not be published. Required fields are marked *