Press "Enter" to skip to content

A Tilmu Pahnih ruang ah a Nupi nih a Report – Kan Lo ko – Van Rel hmanh

Na tilmu pahnih lak ah pakhat hi cu keimah ta a si, ka nawl a si. Na nupi ka si ve ruang ah hi tilmu pahnih hna hi a ngeitu va si hmanh law pakhat tal hi cu ka ta a si ve, ka nawl a si ve tiin an nu nih a ti. An pa nih, khuate i a um mi kan si ruang ah hibantuk thil hi tlaih khawh mi thil a si ti hi ka thei loh i a zumh zong ka zum loh a ti.

Maydalay myone chung khua pakhat i khua a sa mi Tat Oo nih cun a nungak nu phone cawk piak a duh caah a tilmi pahnih cu kawlram phaisa ting 18 in a zuar. A hmuh mi phaisa cun a nungak nu cu phone a cawk piak khawh taktak. Sizung ah a tilmu zuar dingin a kal lio cu an nu nih a theih. A tilmu a va zuar cu a thei lemlo nain sizung a kal cu a theih tik ah an nu nih bia a hal.

Sizung ah zeidah na tuah tiin a hal tik ah an pa nih cun ka kal sawhsawh le a si tiin ai pheh. Asinain nuva an si tik ah a lohtheihlo in an nu nih cun an pa tilmu a um lo mi cu a theih thiamthiam. A hramthok ah cun an nu nih hin a thei bak lo nain tilmu rilmal a um lo tik taktak ah cun theih lo awk a rak tha hrim lo i si lai an nu nih cun a theih khawh thiamthiam nak hi a si.

A nupi nih cun a tilmu kong ah cun police sin ah reportnak a tuah colh. Police pawl nih thil sining an van hlathlai tik ah a nupi pin ah nungak dang a rak ngeih nak kong le a dl caah phone a cawk piak nak kong le a hlei mi phaisa in cycle ai cawk nak kong vialte cu fiang cikcek in an theih dih. Cutikah, an nu nih cun na tilmu zong hi keimah ta a si ve , na ngeih mi thil vialte i a cheu hi keimah ta dih an si ve tiin reportnak a tuah nak hi a si. A ttang kho taktak hoi a nupi cu.

  

Hi pa nih hin police sin ah cun ka ngaithiam ko uh zeihmanh ka thei loh le si. Hibantuk thil hi tlaihkhawh mi a si le si lo zong ka thei loh. Khuate i a um mi kan si caah cozah nih a huat mi le a duh lo mi zong kan thei lo hrimhrim rak ka ngaithiam ko uh a ti len nain theih lo ruang ah a si ti paoh ah cun police nih an ngaithiam bal hna lo caah ngaihthiam a si loh.

Be First to Comment

Leave a Reply

Your email address will not be published. Required fields are marked *