Press "Enter" to skip to content

“Wah Toh” Kan Timi “Sammo Hung” A Tuanbia Tawi

Jakie Chan hawipa Wah Toh kan ti lengmangmi Sammo Hung(Hung bo, ti zong in an auh) hi 1952 kum January 7 ah a rak chuak i a nu le a pa hi lem cang pawl nih an i hruk-eih dingmi hnipuan a ser piaktu an si. Cu caah Sammo hi a pi le pu sin ah a um deuh. A pi hi lem cang kuat thiam Chi Tsi-ang a si i a pu hi movie director Hung Chung-ho a si.

Kum 9 a si ah Peking Opera School(kuat cawngnak sianginn) ah an rak kaiter i Jackie Chan he an rak i tong. Cun hawikom ttha an si len i hngakchia lemcang an rak ttuan tti. Kum 14 a si ah lemcang pawl a bawmtu a ttuan pah in sianginn a kai. A hmuh phaisa in a sianginn kai a hawile pawl cu changreu a cawk piak tawn hna. A sianginn kai tti pawl nih unau bantuk in an rak zohmi le an rak komhmi a si. Kum 16 a siah ai khawng sual i ihkhun cungah tho kho loin thla tampi a rak kuah.

Mah cu thawk cu a thau thluahmah i a dam hnu zongah mi thau ah ai cang. Sinain a thaumi kha style pakhat bantuk in ai chia i lemcang a ttuan tthiam tthiam. 1988 kum ah Painted Faces timi movie ah a hmasa bik actor a ttuan i sianginn a rak kai lio ah harnak a rak tongmi kong cu a rak langhter. A tu cu kum 67 a si cang i a caan caan te lawngah movie ah ai tel cang.
REF: WiKiHow

Be First to Comment

Leave a Reply

Your email address will not be published. Required fields are marked *