Press "Enter" to skip to content

Singer Min Thang R Zarni Zong Ai Sum Kho Ruam Ti Loh!!

Myanmar/Laimi mipi nih an uar tukmi hla sa min thang R Zarni zong ai sum kho ti loh i a thing hang tuk ve cang!! A ruang cu facebook chungah fawi talek in bia chim a hmangmi pawl ruangah a si tiah theih a si. A hla a tam u hi ram dang hla/mi rang hla copy cham deuhmi an si i cu kong he pehtlai in facebook ah soisel a tong cu a si.

Mah tein phuah khawhmi hla a ngei loh tiah an soiselmi kong ah Myanmar Celebrity interview ah hi ti hin lehnak a tuah hna. “Facebook a um hlan ah hin cun hla sa pawl hi soisel cu chim lo journal cung hmanh ah hin kan lang lem hna loh. Facebook a lar hnu bak in fawi talek le soisel timi hi ka tong khun.

Hlasa ka si hi soisel awk ah a rak si loh!! Tlamtling lonak tampi he Art hi a zulmi kan si dih hna. Pakhat a tlin lonak a um ruangah mi dang zong palh puh dih timi hi a poi ngaimi a si. Ka nau le hla sak a uarmi pawl zong zei hmanh ttih hlah uh. Soiselnak kan tei khawh lo chung cu kan i timhmi kan tlinh kho lai loh. Cu caah hmai ah kal chih ttualmal ko uh tiah chim ka duh” tiah a chim cu a si.
REF:Myanmar Celebrities

Be First to Comment

Leave a Reply

Your email address will not be published. Required fields are marked *