Press "Enter" to skip to content

Mi Tam U Nih An Thei Rih Lomi 007 Star Daniel Craig A Tuanbia

England ram, Sheshire, Chester town, 1968 kum, March 2 ah a rak chuakmi a si. A pa hi Timothy John Craig a si i steel chawlet a si i. A nu cu Carol Olivia a si i drama sayamah pakhat a si. Daniel hi England miphun dik tak cu a si loh i Welsh,Scottish, Irish le Ancestry thisen ai cawhmi a si. 1972 kum ah a nu le pa cu an rak i tthen i a u nu Lea nih a rak zohkhenh.

A nu drama pawl cu a zoh i lemcang lei hi a rak uar. Cu caah a nu bawmhnak he kum 6 a si in lemcang a rak ttuan i cu lio a min cu Olvier a si. 1973 kum ah Live and Let Die timi 007 movie cu a rak uar tuk. Kum 14 a si ah Olvier timi min in drama min thang, “Romeo and Juliet le “Cinderella” ah lem a rak cang. Kum 16 a si in NYT(National Youth Teatre’s Troupe ah member a rak si kho ve.

Sinain a bawmtu a ngeih lo caah restaurant ah waiter a ttuan pah in ai cawm. An group NYT cu a lar ngai i Valencia, Spain Moscow le Russia te hna ah sawm an rak tong. 1988 kum ah Guildhall School of Music and Drama sianginn ah a rak kai. Cun The Power of One timi a movie hmasa bik cu 1992 kum ah a rak i chuah. Cun 1996 kum ah Our Friends in the North timi a movie cu a rak lar ngai ngai.

Cun a mah tak tak actor ttuan loin 2001 kum, Lara Croft:Tomb Raider le 2002 kum, Road to Perdition ah lem a rak cang. A mah nih actor a ttuannak movie cu 2004 kum, Layer Cake a si i laksawng tampi zong a rak ngah. 2005 kum ah 5nak 007 actor James Bond ah ai chuah kho. 5nak James Bond a simi Ian Fleming cu rak thi i a mah nih a chawng. A mah hi 007 actor he ai rem cem tiah a hlan lio 007 actor hlun pawl nih an chim. A tu ah hin kum 50 a si cang i 2020 kum ca Bond 25 timi movie caah lem a cang lio a si.
REF:Xyznews

Be First to Comment

Leave a Reply

Your email address will not be published. Required fields are marked *