ZUALKO : Miphun Dawtu Pasaltha Nih Miphun Le Ram Caah Nunnak A Pek Than E

Tharyarkung Khua Chung Kahdohnak Ah Mipi Ralkap Pakhat A Nunnak A Liam! Sagaing ramṭhen, Kalay peng Tharyarkung khua pawng ah SAC ralkap le PDF ṭangrual phu hna kahdohnak a rak chuak. Khuami pakhat nih cun, “SAC ralkap pawl cu Tharyarkung khua (သာယာကုန်း ကျေးရွာ) sianginn ah umhmun an khuar caah PDF ṭangrual phu hna nih khua chung ah an va luhhnawh hna i, kaphnih kar kahdohnak a chuak.

Nizan August 3 zanlei in an i kap i, zan sml 12:00 hrawng tiang an i kap. Cu kahdohnak ah cun PDF-Kalay tat-yin 6 chungtel asi mi Way Min Thaw (kum 19) nih lei in ralkap pakhat a nunnak a liam,” tiah The Chin Post ah a chim.

Kahdohnak ruangah Tharyarkung khuami cu hmun thum ah an zam dih hna nain nihin August 4 ah Cia Ing le Kyarinn ah a zammi cu khuami motor ngeimi hna nih Tahan ah an rak thlah cang hna, tiah a chimchap.

Kuan le zen kan chambau ngai caah a rannak in kan herh ko, tiah VAKOK-CNDF nih nawlnak an tuah. Kahdohnak a zual ngai caah aho hmanh Kalay peng thlanglei ah kal rih lo ding a si lai, tiah August 2 ah VAKOK-CNDF nih mizapi ralrin an rak pek hna.

Thawngpang dang relchap : Chin Ramkulh Paletwa Ah SAC Ralkap le AA Kahdohnak A Zual!

Chin Ramkulh Paletwa Ah SAC Ralkap le AA Kahdohnak A Zual!: Chin ramkulh, Paletwa peng ah SAC ralkap le AA hna cu August 1 in 3 tiah pehtlai in an i kap, tiah theih a si. Paletwa khua thlanglei Kaladan tiva nichuah lei Na tlang lonh lam le Namaṭa khua pawng ah kahdohnak a chuak i, Battalion 289 nih kahdohnak hmunhma cu hriamngan in an kah, tiah Paletwa ummi pakhat nih a chim. Kahdohnak ruangah SAC ralkap nih Kaladan tiva thluan a kalmi vokkuanglawng hna cu chekhlatnak an tuah hna, tiah theih a si.

August 2 ah Ṭungmawa khua siangsangrun ah sianginn a kaimi hna cu, vokkuanglawng i cit in an ṭin lei ah SAC ralkap nih an kah hna caah kum 12 hrawng tang nga kaimi siangngakchia pa pahnih cu a hmun ah an thi.

Siangngakchia pathum zong hliamhma an pu. Paletwa peng ah SAC ralkap nih a hlan lio tein ti lam le tlang lam an rak phih caah eidin phorhnak a har ngai. Atu lio zong ah kahdohnak a zual i, Paletwa khuami hna cu eidin le a dangdang thilri an har ngai, tiah theih a si. Credit : The Chin Post

Be the first to comment

Leave a Reply

Your email address will not be published.


*