Kalaymyo Bogyoke Lam Pawng Ah Bomb Voihnih A Puak I Nu Pakhat A Nunnak A Liam! Sagaing ramṭhen, Kalaymyo Tahan sang Bogyoke lam pawng, AG biakinn pawng ah nihin August ni 24 zaanlei suimilam 5 hrawng ah bomb voihnih a puak, tiah theih a si.
Cu bomb puahkehnak ah cun kum 53 a si mi Pi Za Nei Thluai a nunnak a liam, tiah theih a si. Cu pin ah thilzuarmi nu pakhat zong a lu ah hliamhma a tuar. Cu bomb puahnak pawng ah cun a puak rih lo mi kutser bomb pakhat zong an char, tiah theih a si. Credit : The Chin Post
thawngpang dang relchap : Yangon Khuapi Chung Ah Ramdang Kal Ding In Passport Aa Tuahmi An Karh Chin Lengmang!
Ramdang kal ding in passport aa tuahmi hi nifatin an karh chin lengmang. Nikhat ah a thong leng in Passport zung hmai ah an dir zungzal, tiah theih a si.
SAC nih nawlngeihnak an laak hnu in eidin le thilri man a kai tuk pin ah rianṭuan ding a har chin lengmang. Phung ning in rianṭuannak zong a um ti lo caah ramdang kal aa timmi hi nikhat hnu nikhat in an karh chin lengmang, tiah Yangon ummi hna sin in theih a si.
Nawlngeihnak laak hlan nakin atu Passport aa tuahmi hi a let in an tam deuh, phung ning loin phaisa zong tam tuk an laak hna. Passport zung rianṭuan hna le Agent(puaisa) hna sin ah phaisa tampi kan pek hna i, rianrang in Passport an kan tuahpiak, tiah ramdang kal aa timmi hna nih an chim.
Leave a Reply