Myanmar ram chung a um mi mipi vialte nih lungrual tein ralkap hi kan doh ding a si cang tiah minung tampi thinlung ah ruahnak a um i, cutik ah ralkap uk nak duh lo nak langh ter in mipi tampi nih ralkp uknak duh lo nak cu a lamkip in an langh ter dih cio. Sihmanh seh law minung thinlung ruahnak cu a lawh cio lo bantuk in ralkap pawl zong thi deng in a rak tanh mi zong cu an rak um ve hna.
Ralkap a tanh tu hna minung lak ah ai tel ve mi pakhat Myanmar ram lem cang thiam Mintami Soe Myat Thuzar nih ram mipi pawl sinah bia a chim mi cu a fak taktak a ti mi cu nan si ning hi i ruat uh law nan sining he ai keih ning in bia chim uh. Ralkap ka tanh ruang ah hin nan duh poh in online chung ah ka kong nan hei ka ceih. Ralkap uknak a doh tu mipi vialte nih rak thei cang uh.
Ka kong nan chim hlan ah hin ka si nak le nan si nak hi cuai thlai hmasa uh law, cuhnu lawng lawng ah cun ka kong hi rak ka ceih ngam ko uh. Myanmar ram chung ah hin keimah ka dirhmun le ka si nak hi a ho hmanh a ka phan kho ding nan um loh. A ngaingai taktak ah cun, Myanmar ram mipi nan hruh tuk ruang le nan molh tuk ruang ah hin dawh hi bantuk dirhmun kan phanh nak a si cu.
Myanmar ram chung ah hin mipi hna him tele hnangam te in an kan chia kho tu hna cu ralkap lawnglawng an si. Hihi theithiam loin, ralkap hi heh chet tiah nan hei doh hna. Cupin ah uk tu tha a tanh mi kanmah pawl tiang nan duh poh in onlie ah thi deng in kan thang nan kan chiat rih. Thaten rak i theih uh. Myanmar ram chung ah hin keimah bantuk i a sang mi le a min thang mi le a za mi a ho hmanh nan um lai loh.
Zeiruang ah dah ralkap hi ka tanh ti a si ah cun, keimah hi ralkp fanu ka si. Ralkap hi ka duh i kadawt tuk mi hna a si. Hi ralkap ka tanh nak kong ah hin mi zeihmanh nih online chung ah ka kong lam pakhat hmanh chim ti hlah uh. Ralkap uk nak a doh tu poh nih ka min zong rak chim hlah uh. Ka min n chim hlan ah khan na si ning kha rak i ruat law ka min hi na duh poh in na chim ngam bak ti lai loh tiah mipi pawl cu fak taktak in a ti hna.
Ralkap fanu a si bantuk mi zeipoh nih zei bantuk in an ka ti zong ah ralkap hi cu ka duh thiamthiam ko hna lai a ti tu Soe Myat Thuzar. Myanmar ram chung ah lem cang thiam pawlna lak ah ka u nu ka unu tiah dawtnak he an rak auh tawn mi nu senior pakhat a si pin ah Soe Myat Thuzar hi mipi pawl nih can khat lio ah an rak uar taktak mi mintami pakhat a si. Soe Myat Thuzar hi Video zatlan chan in a tu film ngan mi zong ah ai zeih peng mi khuaruah har in a lar mi a si.
Ai zeih mi pawl poh zong ah a lamkip in lemcan a thiam taktak mi minung pakhat a si. Myanmar ram lemcang thiam vialte lak ah min a nei mi pakhat zong a si. Academy laksawng zong tam taktak a ngah mi a si. Soe Myat Thuzar hi zei bantuk dirhmun in video ai zeih zong ah a taktak bantuk in a cang thiam peng mi a si bantuk in mipi nih thazang zong tampi an rak pek mi minung pakhat a rak si.
Cun Soe Myat Thuzar hi tulio myanmar ram dothlen nak ah mipi lei kap in pakhat hmanh thazang a chuah nak hi hmuh khawh a si loh. A mah cu a mui zong ai dawh i a pumrua zong a tha mi thilri a phunphun he zong ai rem mi a si tik ah cutik ah cun mipi pawl zong nih an theih khun nak hi a si.
A tanglei i a chim ning ah cun ralkap pakhat i a fanu pakhat ka si caah ralkap hi ka dawt tiah a chim. Hi nikhat te hiti sandah nan piah mi nih hin ralkap cu kan tei theu hna lai ti ah maw nan i ruah nan duh zat chung sandah cu piah uh law ralkap hi nan tei hna lai loh tiah myanmar ram mipi cu a rak ti chih ve hna. Soe Myat Thuzar nih a chim mi kong he pehtlai in carel tu vialte zong nih zeitin dah nan ruah ning van langh ter ve cio tuah uh.
Leave a Reply