Hringtu nulepa ngeilo le chungkhar fadawt ve hna lo bang e, miphun dawtnak ruangah le ram kilven ruah ah harsatnak phunzakip an ing hna nain an lung a donglo, hi ralhrang hi kan tei hrim lai tiah a fekmi zumh ngamnak lungthin an ngei ko hna.
Atanglei hmanthlak i kan hmuh mi hi Karenni Defense Forces pasaltha hna an si i luti/tilu (muddy water) cu rawlchumh nak le din dingah tiin an lak lio asi. Hi hmanthlak hi zohdawh menmen ah le mipi lungthin laknak sawhsawh menah thlak mi asi lo, Karenni Defense Forces pasaltha hna nih a tak in an ton mi le an tuah taktak mi asi tiah fiang tein a thei hngaltu nih an chim.
Ruahsur ruangah khur chung i ai dilti tilu hang cu pung tein an rawn hna i a ne an tlakter hnuah rawlchumhnak le din dingah an hmang hna, an ummnak in tiva i ti thanding ah an kal asi ah cun kawl ralhrang nih ruahlo in an rak kah thah khawh lengmang mi hna asi, cu caah an umnak hmunhma pawng i tilu hang cu pung in an rawn hna i rawl chumhnak ah an hman hna hi asi tiah thil sining fiang athei mi nih cun an him.
“Kan zulhmi lam hi a nuam maw ti ah cun nuam naisai hlah e, chungkhar tling le hawikom dawt he hmunkhat i tlawnlen tti cu kan duh ve ko ta. Thih zong hi kan tih lo asi hrimhrim lo, asinain keimah pakhat thihnak nih midang nunnak tampi a khamh khawh ding asi le harsatnak ka in mi ruangah ka miphun nih hnangamnak le nuamhnak an hmuh khawh nak ding asi ah cun a phu ko kan ti” tiah Karenni Defense Forces ralkap chungtel pakhat nih cun a chim.
Leave a Reply