:Yee U Peng Kungta Khua Cu SAC Ralkap Nih Vanlei In An Kah Caah PDF 2 Nunnak Liam!

:Yee U Peng Kungta Khua Cu SAC Ralkap Nih Vanlei In An Kah Caah PDF 2 Nunnak Liam!

 

| 10 August 2022 : Nihin August 10, zinglei ah Sagaing ramṭhen Yee-U peng Kungta khua pawng ah kahdohnak a chuak i, SAC ralkap nih van lei in an kah hna caah tualchung hriamtlai phu chungtel 2 an nunnak a liam i, minung thong khat leng ral an zaam, tiah PDF chungtel hna le tualchung mi nih an chim. Nunnak a liammi PDF 2 cu Yee U-PDF chungtel an si, tiah PDF ṭuanvo ngeitu nih an chim. Kahdohnak ruang ah Kungta, Yuatit, Hngait Pyaw Taw khua le Kuanung(ကွမ်းအုံ) khua in khuami thong khat leng a himnak hmun ah an zaam hna, tiah tualchung mi nih an chim.

Nihin Kungta khua pawng kahdohnak ah SAC ralkap nih helicopter hmang in khuachung cu minutes 30 hrawng a hel, tiah Kungta khuami pakhat nih a chim. “Ngaunghlah le Musung khua in kee in a kalmi SAC ralkap le tualchung hriamtlai phu hna cu Kungta khua pawng ah an i kap. SAC ralkap lei nih helicopter in kahdohnak fak ngai in a tuah. Lam, motor le sizung zong hrial lo in a kah leng ah voi hnih tiang minung thazaang a chap,” tiah khuami pakhat nih a chim.

Nihin kahdohnak ah SAC ralkap 10 hrawng an thi, tiah PDF lei nih an chim. SAC ralkap nih helicopter hmang in van lei kahdohnak an tuah hnu ah ralkap 100 hrawng cu Kungta khuachung ah umhmun an khuar, tiah tualchung mi nih an chim.a rel tu nan cung ah kan i lawm

Be the first to comment

Leave a Reply

Your email address will not be published.


*