Timit cu Lei belh an dap ngam ti lo,an leikuang facang hna cu, Sattil nih a ei lengmang hoi. Cuka hrawng um Naa hna cu ralhrang nih an thah hna i mehhang caah an i hman.
Timit um Chinland ralkap hna an mehhang caah khuadang sattil tangka in cawk si. Mipi ralkap le ralhrang lungput aa dan ning vun tuak ko uh. A biapi tukmi ralrin ding “A tuhi, Agape siizung lei ah ralhrang motor in an kal,motor aa citmi ralhrang an tam ngai.Agape siizung chung cu an lut rih lo. Cucaah Agape siizung umnak sang lei ah umkal i ralring cio ulaw”. Credit: Salai Williams Hlawnceu
thawngpang dang relchap : China Communist Party Cu Xi Jinping Kong Ceih Ding In A Voi 20 Nak Meeting An Tuah Lai
China ram uknak a tlaitu Communist Party nih a voi 20 nak Meeting cu a ralai mi september 16 ah an tuah lai. Cu meeting ah cun President Xi Jinping cu President ṭuancaan pehter le pehter lo kong an ceih lai. Xi Jinping nih cun president ṭuancaan cu peh khawh ṭhan ding in a zumh i Mao Zedong khawh in a saubik China ram hruaitu si aa tim, tiah theih a si.
Hi meeting hi kum 5 dan ah voikhat rak tuah tawnmi a si i zarhkhat chung an rak tuah tawn. A bik in Beijing People’s Hall ah an tuah tawn.
Xi Jinping a voihnihnak President a ṭuan chung ah rampi chawhlehnak a der ruang le Covid-19 zawtnak a tawlrel ning kong ah a rak um tuk theng bal lo mi duhlonak langhternak a rak chuak. Cun, Taiwan kong ah US he i hmuh thiam lonak a chuah caah a ralai mi kum cun “China rampi a tha aa hrim ṭhan lai” timi tlangtar a au pi ca ah a voithumnak President rian zong a peh ṭhan lai, tiah zumh a si.
China phunghrampi ah President pakhat nih term voihnih pin peh khawh a si lo, tiah chiah a si mi cu Xi Jinping nih 2018 ah a rak hnon caah tutan meeting ah hin a term thumnak President a tlaih lai, tiah an zumh cio.
Leave a Reply