Thawngpang Tha Taktak : Yangon Lei Kahdohnak Ah Kawl Ralhrang Uico Pawl A Thimi Hna Thawngpang Thar

Yangon Ramṭhen, Twantay Khuachung ah SAC Ralkap Nih Umhmun An Khuarnak Meithat Zung Kah An Tong I 3 An Thi

Yangon thlanglei pengkomh, Twantay(တွံတေးမြို့ ) khuachung SAC ralkap 20 Hrawng umnak meithatzung pakhat cu nihin August 25 zing suimilam 4 hrawng ah Special Operations Force (S.O.F) nih an kah hna caah SAC ralkap 3 an thi, tiah theih a si.

“SAC ralkap umhmun an khuarnak cu M-16 Rifle in kan kah, cu hnu ah kutcheh bomb lungkhat kan puahhnawh hna i a hmun ah 3 an thi. Cu kahdohnak cu Yangon S.O.F Squad-3 ( Third Squad) nih kan tuahmi si,” tiah S.O.F nih cathanh an chuah.

Cubantuk ṭhiam in Mandalay khuapi 78 lamṭhen ah a um mi, Chanmyatharzi (ချမ်းမြသာစည်) pengkomh palik sakhan no.11 cu nihin August ni 25 ah pa pahnih nih cycle in bomb an puahhnawh hna caah palik pakhat a thi, tiah tualchungmi hna nih an chim.

Kahdoh a tongmi palik cu mipi sin ah phaisa a hal lengmangtu an si caah atu bantuk in bomb an puah hnawh hna hi a si, tiah tualchung mi nih an chim chap. Puahkehnak ruangah thil a cawmi pa pakhat hliam a tuar nain a hliamhma kong ah thinphan ding um lo, tiah theih a si.

Be the first to comment

Leave a Reply

Your email address will not be published.


*