SSPP Nih SAC Sinah Thil Pali An HalShan State Progressive Party (SSPP) nih SAC he tonbiaruahnak an ngeih lioah thil pali an hal tiah SSPP he aa naihniam pakhat nih a chim.

SSPP Nih SAC Sinah Thil Pali An HalShan State Progressive Party (SSPP) nih SAC he tonbiaruahnak an ngeih lioah thil pali an hal tiah SSPP he aa naihniam pakhat nih a chim.

Cu an halmi hna cu SAC nih an tlaihmi hna thlah ding, Panglong hnatlaknak hna kha a tak in zulh ding, kahdaihnak thanh ding le zapi i telmi tonbiaruahnak tuah ding hna an si tiah theih a si.

SSPP he aa naihniammi pakhat nih cun “A bikin thil pali kong kan ceih i kan hal hna. SAC hruaitu hna nih cun a rauh hlan ah zaukphung in kan kal ṭhan ko lai, nawlngeihnak hi sau kan tlai kho ti lai lo an ti” tiah a chim.

SSPP palai le SAC hruaitu hna cu August 5 ah Naypyidaw ah tonnak an ngei i cu tonnak ah cun SSPP nih a cunglei thil pali an halmi hna a si. August 4 i tonnak ah khan SAC nih SSPP sinah an sakhan pathum hna cu ṭhialpiak dingin an hal hna nain SSPP nih kan ṭhial kho rih lai lo tiah an leh hna.

SSPP cu 1971 ah dirhmi a si. SSPP ralkap a simi Shan State Army (SSA) tu cu April 24, 1964 ah Nyaungshw Sawbua (ramuk bawi) Sao Shwe Thaik nupi Sao Nang Hearn Kham nih a rak dirhmi a si. SSPP cu rampumpi kahdaih hnatlaknak (Nationwide Ceasefire Agreement (NCA) ah min a thumi an si lo nain nawlngeihnak latu SAC he ramdaihnak kong an i ceih hi a si. credit. the chin post

Be the first to comment

Leave a Reply

Your email address will not be published.


*