Ramleng In Myanmar Ramchung A Lutmi Hna Nih Ramchung Buainak Ah I Thlak Lo Ding In SAC Nih An Thanh:

Ramleng In Myanmar Ramchung A Lutmi Hna Nih Ramchung Buainak Ah I Thlak Lo Ding In SAC Nih An Thanh:|

8 August 2022 : Myanmar ramchung ah ramdang in a rak tlawng mi cu SAC nih ramchung upadi an tuah mi zulh buin le, ramchung zei bantuk buainak kong hmanh ah i thlak lo ding in SAC ramleng palai zung nih August 5 ah cathanh an chuah. Visa soktu hna ca i rikhiahmi phun 16 chung ah, Covid zawtnak i runvennak kong zulh, ramchung thilcang kongkau ah i thlak lo ding in le rikhiahmi hmunram ah sianhnak nawl tel lo in kal lo ding, ti bantuk hna telh a si.

Visa soktu hna chung in a ruang tampi ruangah hnonmi zong um khawh a si. Myanmar ram upadi le phungphai an buar a si ahcun dantatnak kan tuah lai, tiah SAC ramleng palai zung in a thanh.

SAC nih a luancia July 30 ah Japan mi vedio thlatu Toru Kubota, kum 20 cu Yangon ah SAC ralkap uk duhlonak langhter in lamzawhtu hna hman a thlak lio ah SAC ralkap nih an rak tlaih. Toru Kubota cu rampi mui chiattertu ti in Section 505(A) le visa dingrep phungbuarnak Section 13(1) in a sualnak an kawl, tiah theih a si.credit: nang cung ah iung lawmh nak tak pi kan ngei

Be the first to comment

Leave a Reply

Your email address will not be published.


*