R.I.P : Tamu Khua Lampi Ah Aho Si Theih Lo Mi Pa Ruak Hmuh A Si

Tamu Khua Lampi Ah Aho Si Theih Lo Mi Pa Ruak Hmuh A Si! Tamu in Kalaymyo lam, Tamu khualeng Min Thiha datsi zuarnak hmai ah nihin August 22, zinglei suimilam 6:00 hrawng ah, puan in a mit tuam mi, aho si theihlo mi pa pakhat ruak kan hmuh, tiah tualchung mi nih an chim.

Nunnak a liammi pa hi Tamu khuami a si lai, tiah ruah a si. Alu ah thi tam ngai a luang i, aho nih an thah theih a si rih lo. Credit : The Chin Post

thawngpang dang relchap : Lamthluan Thisen le Thlanti He Zulhmi,Tuzaan Cu Kan Umnak CDF Camp Ka Phan

Hi lamthluan Thisen le thlanti he zulhmi,Tuzaan Cu Kan Umnak CDF Camp Ka Phan Zaan 4nk Atu zaan cu ka umnak Camp tluang te le dam tein ka phan. Ka hawile zong an rak dam hna__mithmai panh tein kan umti hna. Camp ka phak lonak zong zarhhnih leng asi cang caah kan i ngaituk cio hna. Ralram i a rak kalmi le a tlung rih lomi zong an rak um ve.

A zaan cu thlacam pumhnak kan tuah hna i keimah nih thazaang pek nak le forhfialnak ka chimh hna i kan i lunghmuih ngai cio hna ti cu kan mithmai in a lang ko. “Lot nupi kha a hnulei ai her caah cite tung ah ai cang__kan nih zong atu lio i kan dohmi hi hnulei i kan kir tak le kan zaamtak asi ahcun kan dohmi Min Aung Hlaing le ralkap kuttang thiamthiam ah kan taang ko lai.

Cucaah aho kan si zongah kan lungdong hna hlah usih. Lungsau te le lungdong lo tein kan hmailei ah kan tei tiang kal ko hna usih” ti hrawng khin forhfialnak cu caan tawite ka chim. Minung nunnak zeihmanh i a rel lomi le a kan thatnawng tu hi cu kan tei hrimhrim ding asi i a tei zong kan tei hrimhrim ko lai.

Sianginn kai liomi deuh lawngte kan si hna. Mino tete kan si hna i a thekvak a tha mi lawngte kan si. Thlacam pumhnak kan tuah dih in cun meiphu a to na, ihnak ah a zau na, nungak a chawn na tiin kan mah le siarem ning cio in…

Dawtmi zong atu zaan cu ka ba deuh i tuan ah ka it lai tiah ca ka hei kuat. Zeitik i kan i ton than ding a fiangtuk rih lomi asi. Atu lio i ka zulhmi lamthluan ah hin lungsaunak he na rak ka dirpi ding zong chimhchih kan duh. Cun, nangmah zong dam rak i zuam law… Hi lamthluan Thisen le thlanti he zulhmi Nunnak pek ngamh tiangin zulhmi Cuticun, A dong rih lomi zalam cungah Nangmah thengte kan thim.

Be the first to comment

Leave a Reply

Your email address will not be published.


*