R.I.P : India Ram Lung Rianṭuannak Hmun A Cimh Ruangah Hakha Peng Mi Pakhat A Nunnak A Liam

India Ram Lung Rianṭuannak Hmun A Cimh Ruangah Hakha Peng Mi Pakhat A Nunnak A Liam
===========
India ram, Mizoram , Saiyan pengkomh Sihhmui khua khuasa ,Hakha peng mi Pu Zo Te(kum 45) cu, min nih a cimhhnawh caah a nunnak a liam. A ruak cu nizan November 30 zing sml 11:00 ah an char, tiah theih a si.

Pu Zo Te cu Sihhmui khua ah inn hlan in amah lawng a ummi a si i lung rianṭiannak zong ah amah te lawng in a ṭuanmi a si, tiah theih a si. A luancia ni 4 hrawng in Pu Zo Te cu an hmu ti lo i inn ngeitu hna nih an lunghrinh caah an khua YMA hruaitu an va chimh hna , mino nih lung rianṭuannak hmun vawlei an hlai i a ruak le a rianṭuannak thilri he an char, tiah theih a si.
Pu Zo Te ruak cu sii-inn ah an kalpi i siibawi te nih khuaihlainak an ngeih hnuah an vui, tiah theih a si. Credit : The Chin Post