PheKone, SAC Ralkap Sakhan Kahdohnak Ah SAC Ralkap 11 An Thi

PheKone, SAC Ralkap Sakhan Kahdohnak Ah SAC Ralkap 11 An Thi Shan – Karenni ramkulh a pehnak hmun phekone um SAC ralkap sakhan cu kan kah i SAC ralkap 11 leng an thi tiah Central Special Operations nih nihin July 15 ah an thanh.

Kahdohnak cu nizan July 14 Pingne Kone le Makhekhan khua hna ah umhmun a khuarmi SAC ralkap sakhan cu Central Special Operation, PheKone PDF Battalion 2, InnLay PDf le Naypyidaw PDF hna i bawm in an kahdoh mi hna a si.

Mizapi vengtu ralkp phufonh hna nih pehtlaih nak thilri an chiahnak hmun le eidin an chiah nak hna cu RPG in an kah i cu kahdohnak ah cun SAC ralkap 11 leng an thi tiah an langhter.

SAC ralkap nih hriamngan hmang in an kan kah ve ko nain hliamtuar mi um lo tein hnu kan tolh kho tiah an langhter.

July 13 zongah PheKone nichuah lei um Sang Naan Khe le Taung Puh Kuai khua karlak ah SAC ralkap sakhan cu Phekone PDF battalion 2 nih Suimilam pakhat chung hrawng an kah i SAC ralkap 5 an thi tiah an langhter.