PDF-Gangaw Sakhan Ralhrang Nih An Khangh

Maguei ranthen Kangaw peng Chhaklei PDF-Gangaw tatkhuai 12 sakhan cu SAC Ralhrang nih nihin august 22 ziing suimilam 10:00 am ah luhhnawh in an khangh tiah theih a si.

Ralhrang (70) hrawng a si mi hna cu an zawhbal lo nak lam zul-in an rat nak ah sakhan an phak cu a si.

Eidin le thilri hna cu an khangh dih i zeizat set dah airawk dih ti biafiang theih a si rih lo. Nipi ralkap cu an him tiah kan theih. Crd: LKZN

Timit Operations cu ni 22 a rau cang i SAC ralkap 50 an thi cang ai hliam mi zong an um len tiah theih a si

Timit Kahdohnak (Timit Operation) Ni 22 Chung Ah SAC Ralkap A Tlawmbik 50 An Thi

July 30 in Timit kahdohnak (Timit Operation) cu thawk a si i nihin August 21 (Ni 22 ) chung ah SAC ralkap 50 leng an thi cang.

Nikhua a chia peng i chum a zaam tuk caah hliam a tuar mi zat cu kan confirm kho lo, a thimi kan confirm khawh mi hi 50 leng an si, tiah CNA chimphuannak nawlngeitu Salai Htet Ni nih The Chin Post ah a chim.

Kan ralkap hna nihcun kuan khat ah ral pakhat tiin kuan hi semrel tein an hman, kan ralkap hna umnak hi ralhrang hna an umnak hmun nak in a san deuh caah Sniper in an bawh peng hna i a chuak chom in, Sniper cun an kah hna, a chel caan ah an hnu lei in kan ralkap nih an va hel hna i an va kah caan zong a um țheo.

Tutan Timit Operations ah ralhrang lei hi tlawmte lawng an tang ko cang (an meithal puah thawng in hngalh asi ko).

Asinain Hakha he ai naihnak te a si tik ah Hakha in Timit lei an kal an kir a tam i ai chawk bon maw an si,a thar dah?

Timi hi hngalh khawh a si lo caah Hakha Rungtlang ah ralhrang thazaang zeizat hrawng an um ti balte hngalh a har,” tiah kahdohnak kong he pehtlai in a chim chih.

Timit Operations cu ni 22 a rau cang i SAC ralkap 50 an thi cang ai hliam mi zong an um len tiah theih a si

Chin ralkap in hliamhme a tuar mi tlawmpal an um nain atu tiang an nunnak a him rih.

Be the first to comment

Leave a Reply

Your email address will not be published.


*