Palik motor hi patrolling a vaak mi asi. Cu tiin an I chawh I gate pawng an phanh ah a rak bawh tu mipi ralkap phu hna nih motor cu an kah I motor cungah a ummi an dihlak in an thi I, meithal zong an lak tiah Tangse TPC he neih niam mi pakhat nih a chim.

Ralhrang Patrolling Kalmi Motor An Kah I An Thi Dih, Meithal Zong 7 An LakSagaing ramthen Tangse khuapi thlanglei kam checkgate pawngah aichok mi palik motor cu Shwebu district tatyin 25 (TPC) le Myone pahkahphah bukomh hna nih tuni zinglei suimilam 5:30am ah an kah hna I, motor cungah ummi palik 7 an dihlak te bak in an thi I G3 meithal 6 an lak tiah theih asi.

Palik motor hi patrolling a vaak mi asi. Cu tiin an I chawh I gate pawng an phanh ah a rak bawh tu mipi ralkap phu hna nih motor cu an kah I motor cungah a ummi an dihlak in an thi I, meithal zong an lak tiah Tangse TPC he neih niam mi pakhat nih a chim. Atu hi Tangse khuapi cu ralhrang hna nih an phihkhar dih cang I, chekhlatnak an tuah cuahmah lio asi tiah theih asi.Tangse myone Betgyi khua a phan mi ralhrang hna cu Tangse PDF bukomh ralkap hna nih August ni 4 ah khan an kah hna I ralhrang 10 tluk an thi I meithal kuan le bom hna zong an rak lak cang fawn.

Careltu Sin Lunglomh Biachimnak le Nawlnak: The Chinland facebook page ah ca kan tial mi a rak kan relpiak tawntu nan dihlak cungah lunglomhnak tampi kan ngei. The Chinland facebook page ah ca kan tial tik ah a dik mi le a hmanmi, mipi careltu caah theih a tlak mi le thathnemnak a chuahpi tu thawngpang le theihtlei le Pathian Bia siseh tihi catial tu nih kan duh bik mi le kan i tinh bik mi cu asi.

Mah belte careltu nan sinah nawl kan in duh mi hna cu, kan nih hi online thawngpang theih mi catial tu men kan si caah kan tial mi thawngpang hi, kanmah mipum in thil a cannak hmun ah va kal in thawngpang hi kan lak khawh mi asi lo caah, online ah mi pakhat nih maw, silo ah bu pakhat khat nih mipi theih dingin an thanh mi/tialmi le miphun dang ca/holh in an tial mi le chimmi kan lak chin mi asi caah kan palhsual mi le tlamtling lo mi tampi a um kho. Mah caah cun careltu hna zongnih cu bantuk a um sual caan ahcun nan rak kan theih thiam nak lai le a hmanmi nan theih mi ning tuin nan rak kan remhpiak nak lai zaangfah kan in nawl chih duh fawn hna. Admin

ZUNGZAL CINKEN AWK BIA THA: Mi nih an kan faknak hi lawmh tuk awk a si lo. An kan soiselnak zong hi huat tuk ding a si lo. Kan um ko bu I a kan faktu nih cun kan hnulei in an kan congawih I kan kong an kan ceih tawn. Kan um lonak hmun I a kan faktu hi a kan fak taktak tu tlaihchan awk an si. Kan um lio I a kan faktu hna cu kan um lonak I kan thang a kan chiattu le a kan congawih tu an si tawn.

Bia-alnak hmun I teikhawh lomi hna zong hi anmah lawng I an um tik ah an lungchung cun an dik lonak an I thei tawn ko. Kan zawn a kan ruat taktak lomi hna zong nih hin mi hmaikhah lo ruangah kan ca I a tha ding hi an chim ve tawn ko. Kan cung I holh chiachia le bia fakfak I a kan titu hna zong hi ngaihthiam ding an si. An holhchia le bia fakfak an chimmi cu anmah hrimhrim zong an I ngaichih tuk ko I, kan hna theih ah an I ngaihchihnak an chim lo sawhsawh hi a si. Mi cheukhat cu an ruahning le an duhning a si lomi vun chim ah hin an kan al colh I a cheu cu daitein an um diam tawn. Asinain an ruahnak tu cu an hmin hlei naisai lo. A chim colh mi hna nakin daite I a ummi hna thinlung hi tei an har deuh theu tawn.

A can can ahcun kan I nuamhnak mithmai le kannih thawng than hi kan chunglei lungthin thatning kan I lawmhnak le kan I nuamhnak langhternak an si rilmal ko e, a sinain a can can ahcun kan chunglei a thumi le a chiatkhaatnak thuhnak ca I khuh tu phaw bantuk lawng an si I, kannih thawng hi kan thinlung chiakha tuk mi phenhtu men lawng an si kho thiamthiam ve tawn. Kan pawng I midang thatlonak a kan chimtu nih cun mi dang sin zongah kan thatlonak a va chimh ve tawn hna.

Be the first to comment

Leave a Reply

Your email address will not be published.


*