Pakokku Thonginn Ah Mindat Khua In Tlaih A Tongmi 70 Leng An Chiah HnaThe Chin Post | 9 August 2022 :

Pakokku Thonginn Ah Mindat Khua In Tlaih A Tongmi 70 Leng An Chiah HnaThe Chin Post | 9 August 2022 :

Magway ramṭhen, Pakokku thonginn ah Mindat peng in tlaih a tongmi 70 leng cu an chiah hna, cu chung ah thih hlan lo thong tla ding zong an i tel, tiah theih a si. Mindat peng cu SAC ralkap nih martial law an chiahnak a si i, Pakokko thonginn ah an chiahmi hna cu Mindat SAC ralkap biaceih zung nih bia an khiah piak hna i Pokokku ah an kuat hna.

“Pakokku thonginn ah a ummi chung in Mindat peng in a rak phanmi hi 70 an si. A luancia zarh zong ah 10 an rak phan chap. Thong tlami hna chung ah kum upa hna zong an i tel. A tlawm bik dan an tatmi hna hi rianhrang ṭuan le thong kum 3 tla ding an si,” tiah thonginn he naihniam mi sin in theih a si.Ralkap uknak tang in biaceih khawhmi sualnak hna cu SAC nih nawlpeknak(order) No. 3/2021 in 2021 March 15 ah cathanh an rak chuah.

Cu cathanh an chuahmi chung ah rampi rawiphiarnak, dohnak, cozah hlimhang thlaknak, ralkap rianṭuan dohkalhnak, ralkap sin rianṭuantu thlauhnak, Yazatatkyi section 505, zung rianṭuantu pakhat khat cu sual tuah ding in lemnak, a dik lomi thawngzamhnak hna aa tel, tiah theih a si.credit:the chin post.