Pakokku Thilṭhinak Zung Kahdohnak Ah PDF 2 An Nunnak A Liam!

Magway ramṭhen, Pakokku khuapi thilṭhitnak zung ah Security a lami SAC ralkap cu tualchung hriamtlai phu nih nizan September 8 ah an kah hna i, SAC ralkap a thi, tiah theih a si. Cu a thimi SAC ralkap pa meithal cu lak dingin tualchung hriamtlai phu nih an kalhnawh lio ah SAC ralkap nih an kah hna i PDF ralkap 2 cu an nunnak a liam, tiah Pakokku PDF lei nih an thanh.

Tualchung hriamtlai phu lei in nunnak a liammi hna cu Royal Defences Force in Ba Nging (ဘငြိမ်း) le Saneih (စနိတ်) hna an si. Nunnak a liam mi hna ruak cu an thihnak hmun ah an khangh beh hna, tiah tualchungmi pakhat nih a chim. Cu kahdohnak ah cun nunnak a liammi PDF ralkap pahnih le meithal pakhat kan sungh pin ah kan ralkap pakhat kuan nih a khen i kan thlopbul lio a si, tiah tualchung hriamtlai phu lei nih an thanh.

Cu kong he pehtlai in, thilṭhitnak zung security a lami a kaptu PDF pawl cu kan kah hna i PDF 2 an thih pin ah MA-3 meithal zunkhat, MG-1 le kutcheh bomb hna kan lak, tiah SAC lei nih cathanh an chuah. Credit : The Chin Post

Be the first to comment

Leave a Reply

Your email address will not be published.


*