Sagaing ramṭhen ah umhmun khuarmi National People Defence Force – NPDF cu SAC ralkap dohnak dingah hriamngan kan ngeih lo caah dohthlennak ah kan i din cang, tiah fianternak an tuah tiah theih a si.
National People Defence Force – NPDF cu SAC nih nawlngeihnak a lak hnu in SAC ralkap le NPDF karah voi 5 lawng kahdohnak a chuak, tiah theih a si.
NPDF hruaitu bawino Thu Rein nih, “Dohthlennak chungah hriamnam le minung thazaang kan chambau tuk ruangah ralkap hna hi kahdohnak hmun ah ka thlah ti hna lo. A ruang cu hriamnam loin ralram ah thih ding ka siang hna lo,” tiah a chim. Credit : The Chin Post
thawngpang dang relchap : Malaysia Laimi Refugees Ca Ah Thawngpang Ttha Taktak: Ramthumnak Kalnak Ding
Malaysia UN riantuantu pakhat nih mah ti hin a chim “Tu thla September 19-30 zarh hnih chung lawng ah US kal ding minung 300 leng an si. Kum vui 2022 in 2023 chung ah US nih ralzam a laak ding an tam chinchin rih lai ti ah a chim. Atu lio Malaysia cu tlaihkhih a tam ngai lio a si nain in hi bantuk thawngpang theih cu kan i nuam deuh, cun
ramhnihnak ah har tuk kan nung i, ramthumnak phanh ahcun zeizong kan tlamtling lai, kan ram ca zong ah thil kan ti kho deuh lai tiah Malay ummi pakhat nih a chim.
Naite 2021 hnu hmanh ah Laimi Malaysia a kalmi ninung 300 renglo an si cang ti a si, Mino tamtuk an kal tik ah kan dothlennak a der lai ti hi mi tampi nih an phang. Cucaah mino cu ramdang kal rih lo dingin hruaitu upa hna nih voi tampi an chim lengmang cang.
Ralhrang nih Thantlang Remhţhannak Plan le ka Hmuhning
Tulio cu ralhrang bu nih Thantlang khua nupa aa timi pawl auh in “Thantlang remhţhannak/Serţhannak” kong ah tawnpumhnak an tuahpi hna timi cu Maivan cahmai a chilh. Mi tampi thinlung a ţap, lung a fak ing a puang, asinain zeiruang ahdah timi kan tuaktan lo tiah karuah. Thil pakhatkhat a chuah tikah a ruang le hmuitinh a um ţheo i cucu a biapi bik asi fawn. Cucahcun tutan ralhrang nih “Ţhantlang serţhannak” kongah tawnnak an tuahpi mihna ka hmuhning ka ţial. Thantlang serţhannak an timhbiknak a ruang tiah ka ruahmi cu….
Kum khat chung a kalmi ramchung ral thawhnak ah a zualhma bikmi Kareni(ကယား) ramţhen, Sagaing(စစ်ကိုင်း) ramţhen le Chin ramţhen asi. Hihna lak ahhin Chin ramţhen cu anmah Kawl PDF he cawhpawlh loin CDF, CNA long bak he i kahdohnak le miphun miphun in i kahnak hmun asi tikah ramţhen luaknak lam a um kho bikmi/miphun in i ralnak a umkho bikmi asi(AA le KIA bantuk in). Cu pinah a khuapi in hrawhmi le tuksaphu(lu tan) thahnawnnak an tuahnak hmun asi i khuapi chungdah tilo khuate 90% cu Chin hriamtlai kut ah a umcangnak hmun asi caah.
Tulio Thantlang ummi ralhrang hna khi leng chuak kholo in erh an sinak a sau cang i an thinlung a der/azaw cang, eidin le kuanzen an tlacham cang, pinah Furpi a sicang tikah harnak nih a dum canghna ticu a fian cang caah khihna him tein luatternak le chanhchuah khawhnak lam an kawl cang.
Kumkhat chung kan ram mipi nih doh le kalh ansi tikah an Cozah sinak phungtling an sikho lo. Cozah tlaih an timhnak le sinak lampi a kalkho tilo. Ramleng ramchung sumdawnnak le chawlehnak a dir tuk tikah rampi ngunkhuai a um tuk tilo. Cu ngunkhuai a umlo nak nih ralhrang hna an thlahlawh, an hriamnak herhhai le eidin siiai zatawk a pe kho tihna loh. Cu nihcun anmah ralhrang chung lila lungdongh le hnu pilnak a chuahpi cang.
Hihna pinah a um pah len rih nain hivial in siseh law. Mah hna ruang ahhin ral tuk le ral kah nak in mipi tei le cozah sinak lam a um tilo pinah kan sung canglai ti an hngalh caah lemsawinak lam an kawl hi asi. Culak ahcun mah karkalak hui in pawcawm aa timmi cu umve hna kaw cuhna cu ralhrang nih an hriamnam caah hman in tutan tawnpumhnak an tuah hi asi tiah karuah.
Cucahcun Chin miphun le Chin hriamtlai bu hna nih kan i ruah le kan i timh ve ahau mi cu khi Thantlang khuachung ummi ralhrang khi ţhio dih zokzok le Thantlang khuapi ralhrang kut in luat ter le Thantlang peng pumpaluk khi Chin mi hriamtlai bu kut ah kan chiah khawh cang timi thanh khawh kan hau. Cu nihcun kan thinlung mersan a timtu ralhrang pawl lung kan tei hna lai i teinak puitling ah a kan kalpi lai. By Peng Hlawnceu
Leave a Reply