Moreh Khua Ah Assam Rifle Nih Myanmar Rammi Pa Cu Hriamnam He A Inn Ah An Tlaih

Moreh Khua Ah Assam Rifle Nih Myanmar Rammi Pa Cu Hriamnam He A Inn Ah An Tlaih! India-Myanmar ramri Manipur ramkulh, Moreh khua Kanan sang ummi Myanmar rammi pakhat cu, August 19 zanṭim ah Assam Rifle le ramkulh palik nih a inn ah an luhhnawh i, pistol zung hnih he an tlaih, tiah Assam Rifle nih cathanh an chuah.

Tlaih a tongmi Myanmar rammi pa cu Imphal khua lei ah an kuat. Anih hi nikum ah Moreh khua chung ah meithal le kutcheh bomb he an rak tlaih bal cangmi a si, tiah theih a si. Credit : The Chin Post

thawngpang dang relchap : 2022 Ballon d’Or laksawng caah Messi nih a zumhbik zaanglek min cu a chim

PSG le Argentina hmaikal minthang Ballon d’Or laksawng zong cei lai a hmu cang mi Messi cu TyC he interview pakhat ah Ballon d’Or laksawng kong he pehtlai in
Benzema lei ah ka um tiah fiang tein a rak chim.

2022 Ballon d’Or laksawng caah Benzema kong he pehltai in “Ballon d’Or laksawng caah mi dang tampi thim len a hau ti lo. Benzema nih a co lei ti mi cu a fiang tuk mi a si.

A nih caah khuaruah har kum zong a rak si. Cun Champion League zong ah laksawng a hmu mi a si. Team 16 zuam nak in a rak langhter mi a thilti khawhnak cu khuaruahhar a si. Cucaah tukum cu amah kum a si” tiah a chim.