Mong Peng SAC Ralkap Sakhan 5 KNU Nih An Lak

KNU hmunhma,NgiangLayPin pengkomh chung um, Mong peng ah SAC ralkap sakhan hna cu KNU nih an lak hna i hriamngan, hriamhme, kuan tampi zong lak a si tiah National Unity
Government Information Department PVTV nih nihin ah video he a langhter.

KNU hmunhma NgiangLayPin ( ညောင်လေးပင် )pengkomh Mong peng um SAC ralkap sakhan 5 cu KNU Brigade 3 le țangți phu hna nih July 2 ah hmakhatte ah an kahti hna i a lakkhawh tiah video ah an langhter.

An lakmi SAC ralkap Sakhan hna cu KyiangPyia (ကြောင်ပြာ)Sakhan , Aung Luang Sein ( ‌ေအာင်‌ေလာင်းစိန်)sakhan, KyunPinSik ( ကျွန်းပင်ဆိပ်)sakhan, KawPin ( ‌ေကာ့ပြင်း)sakhan, KyiangSuh ( ‌ေကျာင်းစု)sakhan hna an si.

Cu sakhan hna ah mipi hna zong nih an tlunkal tik ah hnahnawhnak hna an pek i hmunhma lak khawh ding in an cawlcangh caah kahdoh an si tiah an langhter. Cu sakhan kahdohnak ah SAC ralkap a thimi an tam i a zaam mi zong an um tiah KNU nih a thanh.

KyiangPyia sakhan kahdohnak ah kaphnih in a nunnak a liammi an um . SAC ralkap Battalion Commander tel in a thimi an tam tiah an langhter. A dang sakhan kahdohnak ah SAC ralksp cheukhat a nung in tlaih an si tiah tualchung media nih a langhter i Officer cheukhat zong an i tel tiah an langhter. Credit : The Chin Post

Be the first to comment

Leave a Reply

Your email address will not be published.


*