Mizoram, Thaizawl Khua Refugee Camp Ah Ummi Pakhat Cu Thaizawl Khuami Pakhat Nih Nam In A Hliamh!

Mizoram, Thaizawl Khua Refugee Camp Ah Ummi Pakhat Cu Thaizawl Khuami Pakhat Nih Nam In A Hliamh!: Mizoram, Lunglei peng, Thaizawl Refugee camp ah ralzaam dirhmun in a ummi Salai Ramzo cu nihin July 11 ah ramlak ah kal in, rua a saam lio ah Thaizawl khuami pakhat nih rua umnak hmun cu a dumram chung a si kong a chimh i, dum ngeitu nih cun lung in a cheh i a dumchung ah rua saam ti lo ding in a chimh. Rua saamtu ralzaam pa nih cun “Dum ngeitu cu ka theih lo caah a si” ti in a nawl hnu ah a saam ciami rua cu a chiahtak i inn ah a tluntak, tiah theih a si.

Cu hnu chun suimilam 12:30 hrawng ah dumngeitu cu Refugee Camp ah kal in, a dumchung rua saamtu pa cu a umnak hmun ah kalhnawh in, nam in a sah i, ralzaam pa nih cun nam cu a kut in a kham caah a kutdong 4 a cikpiak. Ralzaam pa cu Lunglei siizung ah an thlop cuahmah lio a si, tiah Thaizawl refugee camp um mi pakhat nih a chim.

Macao Ah Covid-19 Zawtnak Aa Chawnh Mi An Tam Caah Lentecelhnak Hmun Pawl An Khar!: Vawilei cung ah phaisa thap in lentecelhnak hmun ngan bik a umnak Macao ah Covid-19 zawtnak aa chawnh mi an karh chin lengmang caah lentecelhnak hmun pawl cu July 10 khan an khar hna, tiah theih a si. Rianngeitu hna nih casino celhnak hmun ngan 30 hrawng le a biapi taktak ti lo mi rianṭuannak hmun pawl cu zarhkhat leng phihkhar chung ding in nawl an chuah.

Macao ah hin June thla laifang khan Covid-19 zawtnak aa chawnh mi minung 1526 tiang an phan, tiah an langhter. Tuluk(China) nih mah tein i ukhruai khawhnak nawl a pek mi Macao ah hin Covid zawtnak kong he pehtlai in cozah nih phungphai an ser ruangah nihin July 11 in phaisa thap lentecelhnak company pawl ah share a tumchuk(zor) ngai tiah theih a si. Macao ah ummi minung 90% cu Covid raikhamsii voi 2 tiang aa chun cang mi an si hna, tiah theih a si. Credit : The Chin Post

Be the first to comment

Leave a Reply

Your email address will not be published.


*