Minmu ah ralhrang ralkap hna Drone in bomb an thlak hna caah Ralhrang ralbawi pakhat a thi.>>>.

Minmu ah ralhrang ralkap hna Drone in bomb an thlak hna caah Ralhrang ralbawi pakhat a thi.>>>.
===================
http://www.fiakfairock.com/breaking-news/minmu-ah-ralhrang-ralkap-hna-drone-in-bomb-an-thlak-hna-caah-ralhrang-ralbawi-pakhat-a-thi/Kalaymyo Taungta Sang Ah Tualchung Hriamtlai Phu Nih SAC Ralkap Bomb Puahhnawh Hna I, Ralkap 6 An Thi: Sagaing ramṭhen, Kalaymyo Taungta (တောင်သာ) sang ah ralvengtu SAC ralkap motor pakhat cu Operation Momo phu nih nihin August 5, zinglei suimilam 9:15 hrawng ah bomb puahhnawh in an doh hna, tiah theih a si.

Ralveng ding in aa chawkmi motor chung ah cun SAC ralkap 15 hrawng an cuang i, bomb puahhnawh in doh an ton caah SAC ralkap 6 cu a hmun an thi colh, tiah Operation Momo phu nih an thanh.

“Ralvengtu SAC ralkap motor cu Taungta (တောင်သာ) ah voi hnih tiang bomb puahhnawh an tong i, a hmun ah mit hmuh in minung 6 cu an thi colh, hliamhma tuar cu an tam nain a zat fiang in kan thei lo, an chim ning ah cun hliamhma tuarmi sizung an kalpi hna ah minung 4 an thi chap, tiah an chim caah SAC ralkap a thimi hi a tlawmbik minung 6 in a tambik 10 tiang an thi kho,” tiah Operation Momo phu chungtel pakhat nih media ah a chim.

Bomb puahhnawh in doh a tongmi SAC ralkap hna nih an duhnak hmunpoh an kah caah tualchung mi pakhat cu kuan hliamhma a tuar, tiah theih a si. Operation Momo cu khuachung kahdohnak caah a cawlcang ding in timhmi phu an si i, Kalay PDF phu chung in dirhmi phu a si.

A luancia July 23, lio zong ah Kalay in a chuakmi SAC ralkap motor pakhat cu Operation Momo phu nih bomb puahhnawh in an rak doh hna caah SAC ralkap 5 an thi i, hliahma tuar mi zong an rak tam, tiah theih a si.

Shwebo-Mandalay Lampi Ah Bomb I Hliamhsualnak In Hriamtlai Phu Chungtel 5 Nunnak A Liam: August 4 ah, Sagaing ramṭhen, Wetlet peng Shwebo-Mandalay lampi ah SAC ralkap doh ding in timhlamhnak an tuah lio ah bomb i hliamhsualnak in tualchung hriamtlai phu 5 nunnak a liam, tiah tualchung media nih an langhter.

Motor lampi cung bomb an hmanh lio ah an hmanhmi bomb nih cun a puahhnawh hna i, PDF chungtel kum 19 pakhat, kum 28 pakhat, kum 32 pakhat, kum 45 pakhat le kum 48 pakhat tiin minung 5 an nunnak a liam, pakhat nih hliamhma a tuar, tiah PDF chungtel pakhat nih a chim.

Nunnak liammi PDF chungtel 5 cu zei phu in an si fiang tein theih a si rih lo. A luancia August 3, zaan suimilam 9:30 hrawng ah Shwebo – Mandalay lampi Sagaing peng, Yonepinkan (ရုံးပင်ကန်) le Titchokone (သစ်ချိုကုန်း) khua kar ah SAC ralkap motor ngan (ke 12 ngei) 2 cu PDF nih bomb puahhnawh in an rak doh hna.

Be the first to comment

Leave a Reply

Your email address will not be published.


*