Min Aung Hlaing Le Ralhrangbawi An Lau Tuk Cang Hih, Ralhrang 70 Bak Nih An Zaamtak Hna

Hpapun pengkomh ah CDM a tuahmi SAC ralkap 70 an um. Kyawlaythu, Hpapun pengkomh, KNLA battalion 5 hmunhma chungah CDM tuahmi caan karlak battalion Commander telh in 70 an um tiah battalion 5 biachimnak nawl a ngeitu Colonel Saw Kalay Do nih DVB ah a chim.

2022 chungah Battalion 5 hmunhma i SAC thiltuahnak pawl an lungtlin ti lo caah caan karlak battalion Commander 1 telh in captain 4, platoon Commander 1, Corporal 4, Dep. Corporal 8, ralkap 52 tiah an zapi 70 nih CDM an tuah tiah battalion 5 cazin ah hmuh khawh a si.

SAC ralkap pawl cu ṭha tein kan don hna tiah battalion 5 biachimnak nawl a ngeitu Colonel Saw Kalay Do nih a chim. CDM a tuahmi pawl cu NUG he kan pehtlaih piakmi hna an um bantuk in, hriam he CDM a tuahmi cu tangka laksawng pekmi in pawcawmnak caah aa timhtuahmi zong an um.

Cun, ramdang kal a duhmi hna zong tawlrel piak an si i SAC a dohtu phu pawl he fonh in kahdohnak a tuah ṭhanmi zong an um tiah a chim.

KNU battalion 5 hmunhma August thlachung kahdohnak ah SAC ralkap le BGF 80 leng an thi. KNU battalion 5 hmunhma August thla chungah kahdohnak voi 118 a chuak i SAC ralkap le BGF 84 an thi tiah battalion 5 nih a thanh.

Cu lengah, SAC ralkap le BGF chungtel 47 an i hliam i KNLA hriamtlai 1 a nunnak a liam tiah an thanh. Cun, KNLA nih SAC ralkap thil an phorh tawnnak hlei pakhat an chah khawh tiah a langhter.

August thla chungah SAC ralkap nih vanlei kahdohnak voithum a tuah i mipi 1 a thi i 5 an i hliam tiah a thanh. KNLA battalion 5 hmunhma August thlachung ah SAC ralkap sakhaan cheukhat an lak khawh i hriam cheukhat zong an lak khawh tiah theih a si. Credit: The Chinland Post

Be the first to comment

Leave a Reply

Your email address will not be published.


*